1 Samuel 5:6 - Marahay na Bareta Biblia

⁶ Pinadusahan nin Kagurangnan an mga taga Asdod asin an mga nag-eerok sa kataraed na lugar; tinakot niya sinda sa paagi nin mga tumor.

1 Samuel 5:6 ပူးပေါင်းရင်းမြစ်များ

Genesis 41:31

An panahon nin abunda malilingawan huli kan grabeng gutom na masunod.

An Libro ni Job 31:3

Bakong minaabot an kapahamakan sa mga bakong matanos, asin an kasakitan sa mga paragibo nin karatan?

Salmo 145:20

Sinusurog nin Kagurangnan an gabos na namomoot saiya; alagad gagadanon niya an gabos na tampalasan.

Salmo 147:6

Binabangon nin Kagurangnan an mga dukha, alagad an tampalasan rinoronot niya sa daga.

Salmo 32:4

Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 78:66

Pinasibog niya an saiyang mga kaiwal; sinopog niya sinda sagkod lamang.

Exodo 9:3

papadusahan taka. Papadarahan ko nin makangirhat na helang an gabos mong hayop—an saimong mga kabayo, mga asno, mga kamelyo, mga baka, mga karnero, saka mga kanding.

Mga Gibo 13:11

Papadusahan ka ngunyan kan Kagurangnan; mabubuta ka asin dai makakahiling kan liwanag nin aldaw sa talaan na panahon!” Namatean tolos ni Elimas na may naglipod na maitom na alopoop sa mga mata niya; nagkapkap siya sa paghanap nin makabit saiya.

Deuteronomio 28:27

An Kagurangnan mapadara saindo nin mga pigsa arog kan ipinadara niya sa mga Egipcio. An saindong kublit mapapano nin mga gatok asin duldul na sobra an gatol, asin dai kamo mararahay.

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.

1 Samuel 5:7

Kan mahiling kan mga tawo an nangyayari, nagsarabi sinda, “Pinapadusahan kita asin an satong dios na si Dagon kan Dios nin Israel. Dai ta pwedeng padanayon digdi an Kaban nin Tipan.”

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.