1 Samuel 5:4 - Marahay na Bareta Biblia

⁴ Kan sunod na aldaw, nahiling ninda na nakadapa na naman sa atubangan kan Kaban nin Tipan an estatwa ni Dagon. Putol an payo asin mga kamot kaini na nagkakurua ninda sa may pintoan; an hawak na sana kan estatwa an natada ki Dagon. (

1 Samuel 5:4 ပူးပေါင်းရင်းမြစ်များ

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 40:20

An tawong dai makakaagod nin plata o bulawan minapili nin kahoy na dai malalapa. Minahanap siya nin marahay na panday tanganing gumibo nin ladawan na dai nagkikitongkitong.

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 10:14

Sa paghiling kaiyan, namamatean nin mga tawo na sinda mangmang saka mayo nin pakaaram. Napapasopog an lambang panday na naggigibo nin mga dios-dios huli ta an mga dios ninda bakong totoo asin mayo nin buhay.

Jeremias 10:15

An mga dios-dios na iyan mayo nin halaga asin dapat na pag-olog-ologon; mapapara sinda pag-abot kan saindang kapadusahan.

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Daniel 11:8

Dadarahon niya sa Egipto an mga ladawan kan saindang mga dios-dios saka mga bagay na gibo sa bulawan asin plata na kinonsagra sa mga dios-dios na idto. Pakalihis nin nagkapirang taon nin katoninongan,

Mikas 1:7

Maroronot an gabos na mahalagang mga ladawan, masusulo an gabos na tandan sa mga maraot na babae sa templo, asin magigin sarong tambak nin ati an gabos na dios-dios. Huli ta tinipon nin Samaria an mga bagay na ini hale sa mga tandan sa mga maraot na babae sa templo, kaya dadarahon sinda kan saindang mga kaiwal sa ibang lugar bilang mga maraot na babae sa templo.”

1 Samuel 6:5

Kaya kaipuhan maggibo kamo nin mga porma kan mga tumor asin kan mga kino na nagraot kan saindong daga, dangan omawon nindo an Dios nin Israel; tibaad paontokon na niya an pagpadusa saindo, sa saindong mga dios asin sa saindong daga.