1 Samuel 5:10 - Marahay na Bareta Biblia

¹⁰ Kaya an Kaban nin Tipan ipinadara ninda sa Ekron, saro pang syudad kan mga Filisteo; alagad pag-abot duman, nagsarabi an mga taga Ekron, “Dinara ninda digdi an Kaban kan Dios nin Israel tanganing magkagaradan kita gabos!”

1 Samuel 5:10 ပူးပေါင်းရင်းမြစ်များ

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

2 Mga Hade 1:2

Nahulog si Hadeng Ahazias hale sa balkon kan atop kan saiyang palasyo sa Samaria asin naghelang siya. Kaya nagpadara siya nin mga sugo tanganing maghapot ki Baal-zebub, an dios nin Ekron, kun mararahay pa siya.

1 Mga Cronica 7:21

Zabad, asin Sutela. Igwa pa nin duwang aking lalaki si Efraim na iyo si Ezer asin si Elead. An duwang ini nagadan kan mangahas sindang manghabon nin baka sa mga nag-eerok sa Gat.

Amos 1:8

Hahaleon ko an mga pamayo kan mga syudad nin Asdod saka Askelon. Papadusahan ko an syudad nin Ekron, asin magagadan an natadang mga Filisteo.”

Amos 6:2

Lakaw kamo asin hilinga nindo an syudad nin Calne, dangan magdagos kamo sa dakulang syudad nin Hamat saka lumugsot kamo pasiring sa Filistiong syudad nin Gat. Mas marahay daw an mga ini ki sa mga kahadean nin Juda saka Israel? Mas dakula daw an saindang teritoryo ki sa teritoryo nindo?

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Josue 15:11

Dangan an pagdolonan minapasiring sa bulod sa amihan kan Ekron, minaliko pasiring sa Sikkeron, minaagi sa Bukid nin Baala, padagos sa Jamnia, sagkod sa Dagat nin Mediteraneo,

Josue 15:45

Kaiba man an Ekron, dangan an mga banwa saka an mga baryo kaiyan,

Hukom 1:18

Tinabangan nin Kagurangnan an tribu ni Juda, asin nasakop kaini an mabulod na daga. Alagad dai ninda nasakop an Gaza, an Askelon, asin an Ekron, kaiba an mga kataraed na lugar. An mga tawong nag-eerok sa may baybayon igwa nin mga karwaheng lansang, kaya dai sinda napahale kan tribu ni Juda.

1 Samuel 17:52

Nagkurahaw an kalalakihan nin Israel asin Juda dangan rinalamag ninda an mga Filisteo sagkod sa Gat asin sa mga trangkahan nin Ekron. Kadakul na mga Filisteo an nagkagaradan sa dalan pasiring sa Shaaraim, sagkod sa Gat asin Ekron.

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.

1 Samuel 6:1

Pitong bulan na nasa daga kan mga Filisteo an Kaban nin Tipan.