1 Samuel 5:1 - Marahay na Bareta Biblia

¹ Kan mabihag kan mga Filisteo an Kaban nin Tipan, dinara ninda ini sa syudad nin Asdod hale sa Ebenezer.

1 Samuel 5:1 ပူးပေါင်းရင်းမြစ်များ

Salmo 78:61

Itinugot niyang masakop kan satong mga kaiwal an Kaban nin Tipan, an tanda kan saiyang kapangyarihan asin kamurawayan.

Isaias 20:1

Sa pagboot ni Sargon, an emperador nin Asiria, sinalakay kan pamayo kan hukbo nin Asiria an Filisteong syudad nin Asdod.

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Mga Gibo 8:40

Namangnohan na sana ni Felipe na idtoon na siya sa Azoto. Naghapit siya sa gabos na banwaan, naghuhulit kan Marahay na Bareta, sagkod na nakaabot siya sa Cesarea.

Josue 11:22

Mayo nin natada sa mga Anakim sa daga nin Israel; alagad sa Gaza, Gat asin Asdod, igwa nin natadang nagkapira.

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

1 Samuel 4:1

Kan panahon na iyan nagtiripon an mga Filisteo tanganing makigera sa Israel, kaya nagluwas an mga Israelita tanganing labanan sinda. Nagkampo an mga Israelita sa Ebenezer mantang an mga Filisteo nagkampo sa Afek.

1 Samuel 4:11

Nabihag an Kaban nin Tipan nin Dios, asin parehong nagadan an duwang aking lalaki ni Eli na si Hofni saka si Finehas.

1 Samuel 4:22

“Naghale na an kamurawayan nin Dios sa Israel,” olay niya, “huli ta nabihag an Kaban nin Dios.”

1 Samuel 6:1

Pitong bulan na nasa daga kan mga Filisteo an Kaban nin Tipan.

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”