1 Samuel 4:18 - Marahay na Bareta Biblia

¹⁸ Kan masambit kan lalaki an Kaban nin Tipan, patihaya na natumba si Eli hale sa saiyang tukawan sa may trangkahan. Gurang na siyang marahay asin mataba, kaya nabari an saiyang liog pagkatumba niya, asin nagadan siya. Nagin hukom siya sa Israel sa laog nin kwarentang taon.

1 Samuel 4:18 ပူးပေါင်းရင်းမြစ်များ

Salmo 26:8

Namomotan ko an saimong harong, Kagurangnan, an pinag-eerokan kan saimong kamurawayan.

Salmo 42:10

An mga pag-olog-olog kan sakong mga kaiwal garo mga lugad na minapasakit sako, mantang padagos sindang naghahapot, “Haen an saimong Dios?”

Salmo 42:3

Sakong mga luha an sakuyang pagkakan sa aldaw asin sa banggi; mantang danay na minahapot sako an mga kaiwal, “Haen an saimong Dios?”

Salmo 69:9

An pagkamoot ko sa saimong Templo minalaad siring sa kalayo; an mga pagduhagi saimo minahugpa sako.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Hukom 15:20

Nagin hukom si Samson sa Israel sa laog nin beynteng taon mantang sakop kan mga Filisteo an daga.

1 Samuel 4:13

Si Eli, na naghahadit para sa Kaban nin Tipan, nagtutukaw sa may dalan, nakatanaw sa harayo. Kan makalaog sa syudad an lalaki asin makapagbareta, nagkurahaw an gabos sa takot.

1 Samuel 4:17

Nagsimbag an lalaki, “Nagdurulag an mga Israelita sa mga Filisteo; dakul an nagkagaradan. Kaiba duman an duwa mong aking lalaki na si Hofni saka si Finehas, asin nabihag an Kaban nin Tipan!”

1 Samuel 4:19

Bados an manugang ni Eli, an agom ni Finehas, asin madali nang mangaki. Kan madangog niya na nabihag an Kaban nin Tipan nin Dios asin gadan na man an panugangan niyang si Eli saka si Finehas, biglang nagkulog an saiyang tulak asin nangaki siya.