1 Samuel 4:17 - Marahay na Bareta Biblia

¹⁷ Nagsimbag an lalaki, “Nagdurulag an mga Israelita sa mga Filisteo; dakul an nagkagaradan. Kaiba duman an duwa mong aking lalaki na si Hofni saka si Finehas, asin nabihag an Kaban nin Tipan!”

1 Samuel 4:17 ပူးပေါင်းရင်းမြစ်များ

Salmo 78:61

Itinugot niyang masakop kan satong mga kaiwal an Kaban nin Tipan, an tanda kan saiyang kapangyarihan asin kamurawayan.

Salmo 78:64

Huli sa espada, an saindang mga padi nagkagaradan; asin an saindang mga balo dai nakapanambitan.

1 Samuel 2:34

Sa oras na magadan sa parehong aldaw an mga aki mong lalaki na si Hofni saka si Finehas, iyan an tanda para saimo na magkakatotoo an gabos na itinaram ko.

1 Samuel 3:11

Tinaraman nin Kagurangnan si Samuel, “Maabot an panahon na gigibohon ko an sarong bagay sa Israel; sarong bagay na makakatakot kaya mabibigla an siisay man na makadangog.

1 Samuel 3:12

Sa aldaw na iyan, ootobon ko an gabos kong itinaram laban ki Eli asin sa saiyang pamilya, magpoon sa kapinonan sagkod sa kataposan.

1 Samuel 4:16

Sinabihan kan lalaki si Eli, “Nakadulag ako hale sa ralaban asin nagparadalagan ako pasiring digdi ngunyan.” Naghapot si Eli, “Ano an nangyari, aki ko?”

1 Samuel 4:18

Kan masambit kan lalaki an Kaban nin Tipan, patihaya na natumba si Eli hale sa saiyang tukawan sa may trangkahan. Gurang na siyang marahay asin mataba, kaya nabari an saiyang liog pagkatumba niya, asin nagadan siya. Nagin hukom siya sa Israel sa laog nin kwarentang taon.