1 Samuel 31:7 - Marahay na Bareta Biblia

⁷ Kan mahiling kan mga Israelita na nag-erok sa ibong kan Kapantayan nin Jezreel asin kan nasa sirangan kan Salog nin Jordan na duminulag an hukbo nin Israel, dangan nagadan si Saul pati an mga aking lalaki kaini, binarayaan ninda an saindang mga banwa asin nagdurulag. Nag-arabot an mga Filisteo asin nag-erok sinda sa mga banwang idto.

1 Samuel 31:7 ပူးပေါင်းရင်းမြစ်များ

Levitico 26:32

Raraoton ko nanggad an saindong daga kaya ngangalasan kan saindong mga kaiwal na masakop kaiyan an siring na kamugtakan.

Levitico 26:36

“Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 13:7

an iba nagbaralyo sa Salog nin Jordan pasiring sa teritoryo nin Gad asin nin Gilead. Idtoon pa si Saul sa Gilgal, asin an mga tawong kairiba niya pinagtatarakigan sa takot.

1 Samuel 31:6

Siring kaidto an pagkagadan ni Saul, kan saiyang tolong aking lalaki, asin kan paradara kan saiyang mga armas, patin kan gabos niyang tawohan. Nagadan sinda sa parehong aldaw.

1 Samuel 31:8

Sunod na aldaw, kan magduman sa mga bangkay an mga Filisteo tanganing samsaman, nanumpongan ninda sa Bukid nin Gilboa an bangkay ni Saul asin kan saiyang tolong aking lalaki.