1 Samuel 31:6 - Marahay na Bareta Biblia

⁶ Siring kaidto an pagkagadan ni Saul, kan saiyang tolong aking lalaki, asin kan paradara kan saiyang mga armas, patin kan gabos niyang tawohan. Nagadan sinda sa parehong aldaw.

1 Samuel 31:6 ပူးပေါင်းရင်းမြစ်များ

2 Samuel 1:1

Pagkagadan ni Saul, nagbalik si David hale sa mapangganang pakilaban sa mga Amalekita asin nag-ontok sa Ziklag sa laog nin duwang aldaw.

2 Samuel 1:12

Maghapon sindang nagmondo, nagtangis asin nag-ayuno para ki Saul, para ki Jonatan saka para sa Israel, an banwaan nin Kagurangnan, huli ta nagadan sinda sa ralaban.

1 Mga Cronica 10:6

Sarabay na nagadan si Saul asin an saiyang mga aking lalaki, kaya mayong naghade hale sa saiyang kapagarakian.

Hukom 9:54

Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.

1 Samuel 11:15

Kaya nagduruman sinda gabos sa Gilgal, asin duman sa banal na lugar, saindang ipinahayag si Saul bilang hade. Nag-atang sinda duman nin dolot para sa katoninongan asin nag-orogma nin marahay si Saul saka an gabos na Israelita.

1 Samuel 12:17

Bakong tig-init ngunyan? Alagad mamimibi ako, asin mapadara an Kagurangnan nin daguldol saka uran. Kun mangyari ini, saindong maaaraman na dakula an saindong pagkakasala tumang sa Kagurangnan kan hagadon nindo saiya an sarong hade.”

1 Samuel 12:25

Alagad kun magpadagos kamo sa paggibo nin kasalan, gagadanon niya kamo asin an saindong hade.”

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.

1 Samuel 28:19

Itatao ka niya asin an Israel sa mga Filisteo. Ika asin an saimong mga aking lalaki magigin kaiba ko sa aga. Itatao nin Kagurangnan sa mga Filisteo an hukbo nin Israel.”

1 Samuel 31:5

Kan mahiling kan hoben na gadan na si Saul, dinapaan man niya an tarom kan saiyang espada asin nagadan siya kaiba ni Saul.

1 Samuel 31:7

Kan mahiling kan mga Israelita na nag-erok sa ibong kan Kapantayan nin Jezreel asin kan nasa sirangan kan Salog nin Jordan na duminulag an hukbo nin Israel, dangan nagadan si Saul pati an mga aking lalaki kaini, binarayaan ninda an saindang mga banwa asin nagdurulag. Nag-arabot an mga Filisteo asin nag-erok sinda sa mga banwang idto.