1 Samuel 31:4 - Marahay na Bareta Biblia

⁴ Sinabihan ni Saul an paradara kan saiyang mga armas, “Hugkota an saimong espada asin gadana ako, tanganing dai ako pag-olog-ologon kan bakong sirkomsisyonadong mga Filisteong ini.” Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.

1 Samuel 31:4 ပူးပေါင်းရင်းမြစ်များ

2 Samuel 1:1

Pagkagadan ni Saul, nagbalik si David hale sa mapangganang pakilaban sa mga Amalekita asin nag-ontok sa Ziklag sa laog nin duwang aldaw.

2 Samuel 1:14

Hinapot siya ni David, “Tano ta dai ka natakot na gumadan kan linahidan nin Kagurangnan?”

2 Samuel 1:20

Dai nindo ini ipagbuyagyag sa Gat o sa mga dalan nin Askelon; tibaad mag-orogma an mga aking babae kan mga Filisteo, tibaad mag-orogma an mga aking babae kan mga pagano.

2 Samuel 1:6

Nagsimbag an lalaki, “Nangyari na yaon ako duman kaidto sa itaas kan Bukid nin Gilboa; nahiling ko si Saul na nakasandig sa saiyang garod asin napapalibotan na siya kan mga karwahe saka mga nakakabayong kaiwal.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 21:12

nagduman siya asin kinua niya sa mga taga Jabes sa Gilead an mga tolang ni Saul saka ni Jonatan na aki ni Saul. Sinda an naghabon kan mga bangkay ni Saul asin ni Jonatan na binitay kan mga Filisteo sa plasa nin Betsan kan aldaw na magadan ninda si Saul sa Bukid nin Gilboa.

1 Mga Hade 16:18

Kan mahiling ni Zimri na nasakop an syudad, nagduman siya sa bantayan kan palasyo, sinulo an palasyo asin nagadan siya sa kalayo.

1 Mga Hade 16:27

An iba pang ginibo ni Omri saka an ipinahiling niyang kaisogan gabos nasusurat sa An Kasaysayan kan mga Hade nin Israel.

1 Mga Cronica 10:4

Sinabihan ni Saul an paradara kan saiyang mga armas, “Hugkota an saimong espada asin gadana ako tanganing dai ako pag-olog-ologon kan bakong serkomsisyonadong mga Filisteong ini. Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.

Hukom 14:3

Naghapot an saiyang ama asin ina, “Mayo ka nang nakuang daraga sa satong pamilya o sa satong kamaganakan, kaya kaipuhan ka pang magduman sa mga bakong sirkomsisyonadong Filisteo tanganing magkua nin maaagom?” Alagad nagsimbag si Samson sa saiyang ama, “Siya an gusto ko kaya kuahon nindo siya para sako.”

Hukom 9:54

Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.

1 Samuel 31:5

Kan mahiling kan hoben na gadan na si Saul, dinapaan man niya an tarom kan saiyang espada asin nagadan siya kaiba ni Saul.