1 Samuel 31:1 - Marahay na Bareta Biblia

¹ Nakilaban an mga Filisteo sa mga Israelita sa Bukid nin Gilboa. Dakul na Israelita an nagkagaradan duman. Nagdurulag an iba sainda na kairiba si Hadeng Saul asin an mga aki niyang lalaki.

1 Samuel 31:1 ပူးပေါင်းရင်းမြစ်များ

2 Samuel 1:21

“Mayo logod nin uran o ambon na maghugpa sa kabubuldan nin Gilboa; danay logod na mayong magtalubo sa saiyang kaomahan! Huli ta nadigtaan duman an kalasag kan maiisog; an kalasag ni Saul dai na nagkikinang sa lana.

2 Samuel 1:6

Nagsimbag an lalaki, “Nangyari na yaon ako duman kaidto sa itaas kan Bukid nin Gilboa; nahiling ko si Saul na nakasandig sa saiyang garod asin napapalibotan na siya kan mga karwahe saka mga nakakabayong kaiwal.

2 Samuel 4:4

Si Jonatan na aking lalaki ni Saul igwa nin aking lalaki na an ngaran Mefiboset. Limang taon pa sana an edad niya kan magadan si Saul asin si Jonatan. Kan an bareta manongod kan saindang pagkagadan mag-abot hale sa syudad nin Jezreel, an aki kinua tolos kan paraataman asin nagdulag; sa kasibotan, nabutasan niya an aki na ikinapilay kaini.

1 Samuel 12:25

Alagad kun magpadagos kamo sa paggibo nin kasalan, gagadanon niya kamo asin an saindong hade.”

1 Samuel 28:1

Naglihis an panahon, asin tiniripon kan mga Filisteo an saindang hukbo tanganing labanan an Israel. Sinabihan ni Akis si David, “Saboton mo nanggad na kaapil taka asin an saimong mga tawohan sa pakikilaban.”

1 Samuel 28:15

Sinabihan ni Samuel si Saul, “Tadaw ta pinurisaw mo ako? Tadaw ta pinabalik mo ako?” Nagsimbag si Saul, “Dakula an sakong kahaditan! Sinasalakay ako kan mga Filisteo, asin pinabayaan na ako nin Dios. Dai na niya ako sinisimbag, maski sa paagi kan mga propeta o sa mga pangatorogan. Kaya inapod taka tanganing sabihan mo ako kun ano an dapat kong gibohon.”

1 Samuel 28:19

Itatao ka niya asin an Israel sa mga Filisteo. Ika asin an saimong mga aking lalaki magigin kaiba ko sa aga. Itatao nin Kagurangnan sa mga Filisteo an hukbo nin Israel.”

1 Samuel 28:4

Nagtiripon an hukbo kan Filisteo asin nagkampo harani sa Sunem; tiniripon man ni Saul an mga Israelita asin nagkampo sinda sa Bukid nin Gilboa.

1 Samuel 29:1

Tiniripon sa Afek kan mga Filisteo an gabos nindang hukbo, mantang an mga Israelita nagkampo sa may burabod nin Jezreel.