1 Samuel 30:23 - Marahay na Bareta Biblia

²³ Alagad nagsimbag si David, “Mga tugang ko, dai nindo iyan paggibohon sa itinao sato nin Kagurangnan! Ilinikay niya kita sa pag-alaman asin itinao sa satong mga kamot an mga parasalakay.

1 Samuel 30:23 ပူးပေါင်းရင်းမြစ်များ

Genesis 19:7

Sinabihan niya sinda, “Mga tugang, nakikimaherak ako, dai nindo paggibohon an siring na karatan.

Habakkuk 1:16

Kaya sinasamba ninda an saindang mga hikot saka dinodolotan nin mga sakripisyo, huli ta nagtatao iyan sa sainda kan pinakamarahay sa gabos na bagay.

Mga Gibo 22:1

“Mga tugang asin mga magurang, hinanyogon nindo an depensa ko!”

Mga Gibo 7:2

Nagsimbag si Esteban, “Mga tugang saka mga magurang, himatea nindo ako! An Dios nin kamurawayan nagpahiling sa satong ginikanan na si Abraham kan yaon pa siya sa Mesopotamia, bago siya nag-erok sa Haran.

Deuteronomio 8:10

Magkakaigwa kamo duman kan gabos na gusto nindong kakanon, asin magpapasalamat kamo sa Kagurangnan na saindong Dios huli sa marahay na daga na itinao niya saindo.

Deuteronomio 8:17

Kaya dai nanggad kamo mag-isip na nagyaman kamo huli sa sadiri nindong kakayahan saka kosog.

Deuteronomio 8:18

Giromdoma nindo na an Kagurangnan na saindong Dios iyo an nagtao saindo nin kakayahan tanganing magyaman kamo. Ginibo niya ini huli ta sagkod ngunyan maimbod siya sa tipan na sinumpaan niya sa saindong mga ginikanan.

Hukom 19:23

Alagad nagluwas sa harong an gurang asin nakiolay sainda, “Dai nindo paggibohon iyan. An lalaking ini sakong bisita. Dai kamo maggibo kan siring na karatan.

1 Samuel 2:7

An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.

1 Samuel 30:22

Alagad an nagkapirang maisip asin mayong halagang mga lalaki na nag-iba ki David an nagsarabi, “Dai sinda maninigong tawan kan satong sinamsam, huli ta dai sinda nag-iba sato. Pwede nindang kuahon an saindang mga agom asin mga aki dangan makakahale na sinda.”

1 Samuel 30:24

Dai nin siisay man na maoyon sa sinabi nindo! Kaipuhan pareho an kahirasan kan lambang saro; an mga nawalat na nagbantay kan mga kagamitan maako nin kahirasan na arog kan sa mga nakilaban.”

1 Samuel 30:8

Hinapot ni David an Kagurangnan, “Marahay daw na lamagon ko an mga parasalakay na idto? Maabotan ko pa daw sinda?” Nagsimbag an Kagurangnan, “Lamagon mo sinda; aabotan mo sinda asin mababawe an mga bihag.”