1 Samuel 30:21 - Marahay na Bareta Biblia

²¹ Dangan binalikan ni David an duwang gatos niyang tawohan na dai nakaiba saiya huli sa sobrang kapagalan, kaya nagpawaralat sa sapa nin Besor. Nagsarabat sinda ki David asin sa kairiba niya; nagdolok sainda si David asin kinomusta niya sinda.

1 Samuel 30:21 ပူးပေါင်းရင်းမြစ်များ

Hebreyo 13:1

Magdanay kamo sa pagkaminorootan siring sa magturugang.

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

Hukom 8:15

Dangan nagduman si Gideon sa kalalakihan kan Sukkot asin nagsabi, “Nagigiromdoman nindo an pagsayuma nindo na tabangan kami? Nagsabi kamo na dai nindo tatawan nin pagkakan an sakong nanluluya na hukbo huli ta dai ko pa nadadakop si Zeba asin si Zalmunna. Ngunyan, uya sinda!”

1 Samuel 17:18

Daraha man an sampolong kesong ini sa opisyal na namamayo sainda. Hilingon mo an kamugtakan kan saimong mga tugang asin pagbalik mo, magdara ka nin tanda hale sainda.

1 Samuel 17:22

Iwinalat ni David an pagkakan sa namamahala kan mga kagamitan, dangan nagdalagan pasiring sa lugar na paglalabanan. Nagdolok siya sa saiyang tugang asin hinapot sinda kan saindang kamugtakan.

1 Samuel 30:10

Alagad nagpadagos si David sa paglamag kaiba an apat na gatos niyang tawohan; duwang gatos an nawalat huli ta paragal na sindang marahay asin dai na kayang mag-ibong sa sapa.

1 Samuel 30:22

Alagad an nagkapirang maisip asin mayong halagang mga lalaki na nag-iba ki David an nagsarabi, “Dai sinda maninigong tawan kan satong sinamsam, huli ta dai sinda nag-iba sato. Pwede nindang kuahon an saindang mga agom asin mga aki dangan makakahale na sinda.”