1 Samuel 3:6 - Marahay na Bareta Biblia

⁶ Inapod giraray nin Kagurangnan si Samuel. Nagbangon siya, nagduman ki Eli dangan nagsabi, “Inapod mo po ako, asin uya ako.” Alagad nagsimbag si Eli, “Dai taka inapod, aki ko; magbalik ka sa saimong higdaan.”

1 Samuel 3:6 ပူးပေါင်းရင်းမြစ်များ

Genesis 43:29

Kan mahiling ni Jose an saiyang tugang na si Benjamin, nagsabi siya, “Iyo ini an ngohod nindong tugang na sinabi nindo sako? Mapasaimo an bendisyon nin Dios, aki ko.”

2 Samuel 18:22

Nagsabi giraray si Ahimaaz ki Joab, “Maski ano an mangyari, tugote man akong magdara kan bareta.” Naghapot si Joab, “Tadaw ta boot mong gibohon iyan, aki ko? Mayo ka man nin makukuang premyo kun gigibohon mo iyan.”

Mateo 9:2

Dinara saiya kan nagkapirang tawo an sarong lalaking paralitiko na nakahigda. Kan mahiling ni Jesus an saindang makosog na pagtubod, sinabihan niya an paralitiko, “Aki ko, pakosoga an boot mo! Pinapatawad na an mga kasalan mo.”

1 Samuel 3:5

dangan nagdalagan siya pasiring ki Eli. Sinabihan niya ini, “Inapod mo po ako, asin uya ako.” Alagad nagsimbag si Eli, “Dai taka inapod; magbalik ka sa saimong higdaan.” Kaya nagbalik si Samuel sa saiyang higdaan.

1 Samuel 3:7

Dai aram kan aking si Samuel na an Kagurangnan an nag-apod saiya huli ta dai pa lamang nagtaram saiya an Kagurangnan.

1 Samuel 4:16

Sinabihan kan lalaki si Eli, “Nakadulag ako hale sa ralaban asin nagparadalagan ako pasiring digdi ngunyan.” Naghapot si Eli, “Ano an nangyari, aki ko?”