1 Samuel 3:19 - Marahay na Bareta Biblia

¹⁹ Nagdakula si Samuel na danay na iniibahan nin Kagurangnan; inotob niya an lambang sinabi ni Samuel.

1 Samuel 3:19 ပူးပေါင်းရင်းမြစ်များ

Genesis 21:22

Kaidtong panahon, si Abimelek asin an pamayo kan saiyang hukbo na si Ficol nagsabi ki Abraham, “Kaiba mo an Dios sa gabos mong gibo.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 39:2

Inibahan nin Kagurangnan si Jose kaya nag-uswag siya. Nag-erok si Jose sa harong kan Egipcio niyang kagurangnan,

Genesis 39:3

na nakamasid na iniibahan nin Kagurangnan si Jose asin pinapauswag an gabos na gibo.

1 Mga Hade 8:56

“Pag-omawon an Kagurangnan na nagtao sa Israel nin kapahingaloan, sosog sa gabos niyang panuga. Inotob niya an gabos na marahay na panuga na ginibo niya huli sa sorogoon niyang si Moises.

2 Mga Hade 10:10

Saboton nindo na maootob an lambang tataramon nin Kagurangnan manongod sa kapagarakian ni Ahab, asin pinatotoohan nin Kagurangnan an itinaram niya sa paagi kan propeta niyang si Elias.”

2 Mga Hade 15:12

Kaya naotob an panuga nin Kagurangnan ki Jehu: “An saimong mga kapagarakian sagkod sa ikaapat na henerasyon magigin mga hade nin Israel.”

2 Mga Hade 22:16

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na maldisyon na nasusurat sa libro na binasa kan hade.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 55:11

Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Lukas 1:28

Nagdolok ki Maria an anghel dangan nagsabi, “An katoninongan mapasaimo, paladan na babae! An Kagurangnan yaon saimo!”

Lukas 1:80

Nagdakula an aki asin nagkosog sa espiritu. Nag-erok siya sa kalangtadan sagkod sa aldaw na magpamidbid siya sa Israel.

Lukas 2:40

Nagtalubo an aki asin kuminosog, pano nin kadonongan; asin an biyaya nin Dios yaon saiya.

Lukas 2:52

Nagtalubo si Jesus asin nagdagdag an saiyang kadonongan. Nawilihan siya nin Dios asin kan mga tawo.

2 Corinto 13:11

Ngunyan, mga tugang, paaram na saindo! Maghingowa kamong magin orog karahay; sunodon nindo an mga hulit ko; magkasararo kamo saka mamuhay na matoninong. Mapasaindo an pagkamoot asin an katoninongan nin Dios.

Deuteronomio 18:22

Kun an sarong propeta magtaram sa ngaran nin Kagurangnan, dangan dai magkatotoo an saiyang sinabi, kun siring, bako iyan mensahe nin Kagurangnan. Nagtaram an propetang iyan sa saiyang sadiring kapangyarihan, asin dai kamo dapat na matakot saiya.

2 Timoteo 4:22

Mapasaimong espiritu an Kagurangnan. An biyaya nin Dios mapasaindo gabos.

Josue 21:45

Inotob nin Kagurangnan an lambang saro kan saiyang mga panuga sa banwaan nin Israel.

Hukom 13:24

Nangaki an agom ni Manoa nin sarong lalaki asin nginaranan niyang Samson. Nagdakula an aki asin benendisyonan siya nin Kagurangnan.

1 Samuel 10:7

Kun mangyari an mga tandang ini, gibohon mo an ano man na ipinapasabong saimo nin Dios.

1 Samuel 12:2

siya na an mangengenot saindo. Gurang asin ubanon na ako; kaiba na nindo an sakong mga aking lalaki. Ako an saindong nagin lider poon kan hoben pa ako sagkod ngunyan.

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”

1 Samuel 18:12

Natakot si Saul ki David huli ta inibahan si David nin Kagurangnan asin pinabayaan na siya.

1 Samuel 18:14

asin nagin mapanggana siya sa gabos niyang gibo, huli ta kaiba niya an Kagurangnan.

1 Samuel 18:5

Nagin mapanggana si David saen man na gera siya ipinadara ni Saul, kaya ginibo siyang opisyal ni Saul sa saiyang hukbo. Ikinaogma ini kan mga opisyal asin kan mga tawohan ni Saul.

1 Samuel 2:21

Benendisyonan mananggad nin Kagurangnan si Hanna; nangaki pa siya nin tolong lalaki asin duwang babae. Nagdakula si Samuel na naglilingkod sa Kagurangnan.

1 Samuel 2:26

Padagos na nagdakula si Samuel na nawiwilihan nin Kagurangnan asin kan mga tawo.

1 Samuel 9:6

Nagsimbag an sorogoon, “Halat! Igwa digdi nin sarong banal na lalaki, na ginagalangan huli ta nagkakatotoo an gabos niyang sinasabi. Magduman kita saiya; tibaad ikatukdo niya sato kun saen ta makukua an mga asno.”