1 Samuel 3:17 - Marahay na Bareta Biblia

¹⁷ “Ano an itinaram saimo nin Kagurangnan?” an hapot ni Eli. “Dai mo pagtagoon an ano man sako. Makuri an magigin padusa saimo nin Dios kun dai mo sako sabihon an gabos na itinaram niya saimo.”

1 Samuel 3:17 ပူးပေါင်းရင်းမြစ်များ

2 Samuel 14:18

Nagsimbag an hade, “Simbagon mo nin totoo an ihahapot ko saimo.” “Hapota ako nin maski ano, mahal na hade,” an simbag kan babae.

2 Samuel 19:13

Tinugon man ni David an mga padi na sabihan si Amasa, “Kadugo taka. Poon ngunyan, ika an ibubugtak kong pamayo kan hukbo embes na si Joab. Gadanon logod ako nin Dios kun dai ko iyan gibohon!”

2 Samuel 3:35

Bilog na aldaw na hiningowa kan mga tawo na magkakan si David, alagad nagsumpa siya, “Gadanon logod ako nin Dios kun magkakan ako nin anoman bago magsolnop an aldaw!”

2 Samuel 3:9

Nanuga an Kagurangnan ki David na hahaleon niya an kahadean ki Saul asin sa saiyang kapagarakian dangan gigibohon niyang hade si David sa Israel saka sa Juda, magpoon sa sarong poro kan daga sagkod sa ibong na poro. Ngunyan, gadanon logod ako nin Dios kun dai ko papangyarihon iyan!”

1 Mga Hade 22:16

Alagad sinabihan siya kan hade, “Pirang beses takang pasusumpaon na mayo ka nin itataram sako kundi an katotoohan sa ngaran nin Kagurangnan?”

2 Mga Hade 6:31

Nagsabi an hade, “Gadanon logod ako nin Dios kun dai ko papugotan si Eliseo ngunyan na aldaw!”

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Jeremias 38:14

Ipinaapod ako ni Hadeng Zedekias asin kinaolay sa ikatolong agihan palaog kan Templo. Nagsabi siya, “Igwa ako nin ihahapot saimo, asin boot kong taraman mo ako kan bilog na katotoohan.”

Jeremias 42:4

Nagsimbag ako, “Mamimibi ako sa Kagurangnan na satong Dios, sosog sa saindong kahagadan, dangan sasabihon ko saindo kun ano an simbag niya. Mayo ako nin itatago saindo.”

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Mikas 2:7

Sa paghona mo daw, nasa irarom nin maldisyon an banwaan nin Israel? Naubos na daw an pasensya nin Kagurangnan? Gibohon daw niya an mga bagay na iyan? Bakong may pagkaherak na tinataraman niya an mga naggigibo nin tama?”

Mga Bilang 23:17

Inabotan ni Balaam si Balak na nakatindog sa kataed kan saiyang tinutong na atang, kaiba an mga lider nin Moab. Naghapot si Balak kan itinaram nin Kagurangnan,

Mateo 26:63

Alagad dai naggirong si Jesus. Sinabihan siya kan Halangkaw na Padi, “Sa ngaran kan buhay na Dios, magsumpa ka: sabihan samo ngunyan kun ika mananggad an Cristo, an Aki nin Dios.”

Ruth 1:17

Saen ka man magadan, duman ako magagadan, asin duman ako ilulubong. Mapasako logod an pinakamagabat na padusa nin Kagurangnan kun tutugotan kong ikasiblag ako saimo kan ano man na bagay maski kan kagadanan.”

1 Samuel 14:44

Sinabihan ni Saul si Jonatan, “Gadanon logod ako nin Dios, kun dai taka ipagadan.”

1 Samuel 20:13

Kun nag-iisip siyang kulogan ka, gadanon logod ako nin Kagurangnan kun dai taka paisihon asin padulagon. Ibahan ka logod nin Kagurangnan siring na inibahan niya an sakong ama!

1 Samuel 25:22

Gadanon logod ako nin Dios kun dai ko gadanon an lambang saro kan mga lalaking idto bago mag-aga!”

1 Samuel 3:16

Alagad inapod siya ni Eli, “Samuel, aki ko!” “Uya po ako,” an simbag ni Samuel.