1 Samuel 3:15 - Marahay na Bareta Biblia

¹⁵ Naghigda giraray si Samuel sagkod mag-aga; dangan binukasan niya an mga pintoan kan harong nin Kagurangnan. Natakot siyang isabi an bisyon ki Eli.

1 Samuel 3:15 ပူးပေါင်းရင်းမြစ်များ

1 Mga Cronica 15:23

An piniling mga bantay kan Kaban nin Tipan iyo si Berekias asin Elkana kaiba ni Obed-edom saka ni Jehias. An piniling mga paratugtog kan trompeta sa enotan kan Kaban nin Tipan iyo an mga pading si Sebanias, Josafat, Netanel, Amasai, Zacarias, Benaias, asin Eliezer.

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

1 Samuel 1:9

Kan sarong pagdalaw ninda sa Shilo, pakatapos nindang magkakan asin mag-inom sa harong nin Kagurangnan, mamondong nagtindog si Hanna asin mapait na nagtangis mantang namimibi sa Kagurangnan. Kan oras na idto, nagtutukaw an pading si Eli sa saiyang lugar sa may pintoan kan templo nin Kagurangnan.

1 Samuel 3:10

Nag-abot an Kagurangnan, nagtindog duman, asin nag-apod arog kan enot, “Samuel! Samuel!” Nagsimbag si Samuel, “Magtaram ka, huli ta naghihinanyog an saimong sorogoon.”

1 Samuel 3:16

Alagad inapod siya ni Eli, “Samuel, aki ko!” “Uya po ako,” an simbag ni Samuel.