1 Samuel 3:12 - Marahay na Bareta Biblia

¹² Sa aldaw na iyan, ootobon ko an gabos kong itinaram laban ki Eli asin sa saiyang pamilya, magpoon sa kapinonan sagkod sa kataposan.

1 Samuel 3:12 ပူးပေါင်းရင်းမြစ်များ

Ezekiel 21:5

Maaaraman kan gabos na ako, an Kagurangnan, an naghugkot kan sakong espada asin dai ko na iyan isasarong giraray.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Lukas 21:33

Mapapara an langit asin an daga, alagad an sakong mga tataramon dai nanggad mapapara.

Josue 23:15

Alagad siring na inotob niya an lambang panuga na ginibo niya saindo, gigibohon man niya an mga maraot na bagay na ipinatanid niya saindo.

Hukom 4:24

Poon kaidto, dai na ninda inontokan an paglaban ki Hadeng Jabin sagkod na nagadan ninda.

1 Samuel 4:11

Nabihag an Kaban nin Tipan nin Dios, asin parehong nagadan an duwang aking lalaki ni Eli na si Hofni saka si Finehas.

1 Samuel 4:17

Nagsimbag an lalaki, “Nagdurulag an mga Israelita sa mga Filisteo; dakul an nagkagaradan. Kaiba duman an duwa mong aking lalaki na si Hofni saka si Finehas, asin nabihag an Kaban nin Tipan!”

1 Samuel 4:21

An aki nginaranan niyang Ikabod na an olay, “Naghale na an kamurawayan nin Dios sa Israel!” huli ta nabihag an Kaban nin Dios asin nagadan an saiyang panugangan saka an saiyang agom.

1 Samuel 4:22

“Naghale na an kamurawayan nin Dios sa Israel,” olay niya, “huli ta nabihag an Kaban nin Dios.”