1 Samuel 3:10 - Marahay na Bareta Biblia

¹⁰ Nag-abot an Kagurangnan, nagtindog duman, asin nag-apod arog kan enot, “Samuel! Samuel!” Nagsimbag si Samuel, “Magtaram ka, huli ta naghihinanyog an saimong sorogoon.”

1 Samuel 3:10 ပူးပေါင်းရင်းမြစ်များ

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”

1 Samuel 12:2

siya na an mangengenot saindo. Gurang asin ubanon na ako; kaiba na nindo an sakong mga aking lalaki. Ako an saindong nagin lider poon kan hoben pa ako sagkod ngunyan.

1 Samuel 3:11

Tinaraman nin Kagurangnan si Samuel, “Maabot an panahon na gigibohon ko an sarong bagay sa Israel; sarong bagay na makakatakot kaya mabibigla an siisay man na makadangog.

1 Samuel 3:15

Naghigda giraray si Samuel sagkod mag-aga; dangan binukasan niya an mga pintoan kan harong nin Kagurangnan. Natakot siyang isabi an bisyon ki Eli.

1 Samuel 3:21

Padagos na nagpahayag an Kagurangnan sa Shilo, huli ta duman siya nagpahiling asin nagtaram ki Samuel. Kun minataram si Samuel minahinanyog an bilog na Israel.

1 Samuel 3:8

Sa ikatolong beses inapod nin Kagurangnan si Samuel; nagbangon siya, nagduman ki Eli asin nagsabi, “Inapod mo po ako, asin uya ako.” Saka naaraman ni Eli na an Kagurangnan an nag-aapod sa aki,

1 Samuel 3:9

kaya sinabihan niya ini, “Magkatorog ka giraray. Kun apodon ka pa niya, ini an sabihon mo, ‘Magtaram ka, Kagurangnan, huli ta naghihinanyog an saimong sorogoon.’” Kaya nagbalik giraray si Samuel sa saiyang higdaan.