1 Samuel 29:6 - Marahay na Bareta Biblia

⁶ Inapod ni Akis si David asin sinabihan, “Minasumpa ako sa ngaran kan buhay na Dios nin Israel na nagin maimbod ka sako; maninigo kang magin kaiba ko sa gerang ini. Mayo akong nakuang sala saimo poon kan dumolok ka sako sagkod ngunyan. Alagad habo saimo an ibang mga hade.

1 Samuel 29:6 ပူးပေါင်းရင်းမြစ်များ

Genesis 16:6

Nagsimbag si Abram, “Sakop mo an saimong oripon; giboha saiya an gusto mo.” Dangan pinasakitan ni Sarai an saiyang oripon kaya nagdulag ini.

2 Samuel 3:25

Napadigdi siya tanganing dayaon ka. Boot niyang maaraman an gabos mong ginigibo asin an mga lugar na pinagdudumanan mo.”

2 Mga Hade 19:27

“Alagad aram ko an gabos manongod saimo; an ginigibo mo asin an dinudumanan mo. Aram ko an kaanggotan mo sako.

Salmo 121:8

Iingatan ka nin Kagurangnan sa saimong paghale asin pagbalik ngunyan asin sagkod pa man.

Isaias 37:28

“Alagad aram ko an gabos manongod saimo, kun ano an ginigibo mo asin kun saen ka nagduduman. Aram ko an saimong kaanggotan sa sako.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Mga Bilang 27:17

asin magboot sainda sa panahon nin gera, tanganing an saimong komunidad dai makaarog sa karnero na mayo nin pastor.”

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Josue 22:30

Nadangog ni Finehas asin kan sampolong mga lider na kairiba niya, na mga pamayo kan mga pamilya kan mga tribu sa solnopan, an sinabi kan mga tribu ni Ruben, Gad, saka ni Manases sa sirangan, asin nagkaorogma sinda.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 28:10

Alagad nagsumpa si Saul, “Siring na buhay an Kagurangnan nanunuga ako na dai ka papadusahan huli sa paggibo mo kaini.”

1 Samuel 29:3

Nahiling sinda kan mga pamayo kan mga Filisteo asin naghapot, “Ano an ginigibo digdi kan mga Hebreyong iyan?” Nagsimbag si Akis, “Iyo ini si David na sarong opisyal ni Saul na hade nin Israel. Haloy na siyang nasa kaibahan ko asin mayo akong nakukuang sala saiya poon kan magdolok siya sako.”

1 Samuel 29:7

Magpuli ka na; matoninong kang maghale tanganing dai mo mapaanggot an mga namamayo kan mga Filisteo.”

1 Samuel 5:8

Kaya pinasugoan ninda asin tinipon an limang hade kan mga Filisteo dangan hinapot an mga ini, “Ano an gigibohon mi sa Kaban nin Tipan kan Dios nin Israel?” Nagsimbag sinda, “Daraha nindo sa Gat.” Kaya an Kaban nin Tipan dinara ninda sa Gat, saro pang syudad kan mga Filisteo.