1 Samuel 29:4 - Marahay na Bareta Biblia

⁴ Alagad naanggot ki Akis an mga pamayo kan mga Filisteo asin nagsabi, “Papulion mo na an lalaking iyan sa lugar na itinao mo saiya. Hare siya pagpaibaha ta tibaad kita an saiyang kalabanon mantang nagraralaban. Mayo nang pinakamarahay na paagi para sa saiya tanganing makipag-olian nin boot sa saiyang kagurangnan, kundi an kagadanan kan satong mga tawohan!

1 Samuel 29:4 ပူးပေါင်းရင်းမြစ်များ

1 Mga Cronica 12:19

Nagkapirang mga lalaki na gikan sa tribu ni Manases an nag-apil ki David kan maglakaw siya kaiba an mga Filisteo tanganing labanan si Hadeng Saul. An katotoohan, dai man tinabangan ni David an mga Filisteo huli ta nagkatarakot an mga hade kaini ta tibaad ipasaluib sinda ni David sa saiyang dating kagurangnan na si Saul; kaya pinabalik ninda sa Ziklag si David.

1 Mga Cronica 12:20

An mga soldados kan tribu ni Manases na nag-apil ki David pagbalik niya sa Ziklag iyo si Adna, Jozabad, Jediael, Miguel, Jozabad, Elihu, asin Zilletai. Sa tribu ni Manases, gabos sinda pamayo nin mga grupo nin manangribo katawo.

Exodo 1:10

Kaipuhan magin tuso kita tanganing mapugol an saindang pagdakul, ta kun magkagera, tibaad umapil sinda sa satong mga kaiwal, labanan kita dangan bayaan an satong daga.”

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

1 Samuel 14:21

An nagkapirang mga Hebreyo na nagkampi sa mga Filisteo asin nag-iba sainda sa saindang kampo, nagliwat kan saindang isip asin nag-apil ki Saul saka ki Jonatan.

1 Samuel 27:6

Kaya itinao saiya ni Akis an banwa nin Ziklag. Iyo ini an dahelan kun tano ta sagkod ngunyan nasasadirihan kan mga hade nin Juda an Ziklag.

1 Samuel 29:9

Nagsimbag si Akis, “Aram kong mayo kang sala arog sa sarong anghel nin Dios; alagad nagsarabi an ibang mga hade na dai ka pwedeng mag-iba samo sa gera.

1 Samuel 30:1

Pakalihis nin duwang aldaw, nag-abot sa Ziklag si David asin an saiyang mga tawohan. Tapos pa sanang salakayon kan mga Amalekita an habagat na parte nin Juda asin an Ziklag. Sinulo ninda an banwa