1 Samuel 29:2 - Marahay na Bareta Biblia

² Nagmartsa an limang hadeng Filisteo kaiba an saindang mga sakop na ginatos saka rinibong kalalakihan; si David asin an saiyang mga tawohan nasa hurihan, kaiba ni Hadeng Akis.

1 Samuel 29:2 ပူးပေါင်းရင်းမြစ်များ

1 Mga Cronica 12:19

Nagkapirang mga lalaki na gikan sa tribu ni Manases an nag-apil ki David kan maglakaw siya kaiba an mga Filisteo tanganing labanan si Hadeng Saul. An katotoohan, dai man tinabangan ni David an mga Filisteo huli ta nagkatarakot an mga hade kaini ta tibaad ipasaluib sinda ni David sa saiyang dating kagurangnan na si Saul; kaya pinabalik ninda sa Ziklag si David.

Mga Bilang 10:25

An nasa irarom kan bandera kan dibisyon na pinamamayohan kan tribu ni Dan, na iyo an nasa hurihan asin iyo an panlikod na bantay kan gabos na dibisyon, iyo an huring malakaw, sa pamamayo ni Ahiezer na aki ni Ammisaddai.

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

1 Samuel 6:4

“Anong regalo an ipapadara mi saiya?” an hapot kan mga tawo. Nagsimbag sinda, “Limang bulawan na pormang tumor asin limang bulawan na pormang kino; saro para sa lambang hade kan mga Filisteo, huli ta parehong padusa an ipinadara saindo asin sa limang hade.