1 Samuel 28:6 - Marahay na Bareta Biblia

⁶ kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.

1 Samuel 28:6 ပူးပေါင်းရင်းမြစ်များ

2 Samuel 22:42

Sinda nag-agrangay alagad mayong nagligtas; nag-apod sinda sa Kagurangnan, alagad dai niya sinda sinimbag.

Salmo 74:9

Mayo na an samong mga banal na tanda; mayo ni sarong propetang natada; asin mayong nakakaaram kun sagkod nuarin an siring na kamugtakan.

Exodo 28:20

dangan sa ikaapat na raya, an mga batong berilo, oniks asin haspe. Ini gabos itatampok sa mga kalopkop na bulawan.

Exodo 28:30

Ilaog nindo sa pantahob sa daghan an Urim asin Tummim tanganing mamugtak sa daghan ni Aaron kun minadolok siya sa atubangan ko. Kaya danay na isusulot ni Aaron an pantahob sa daghan tanganing maaraman niya an sakong kabotan para sa banwaan nin Israel.

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Joel 2:28

“Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Levitico 8:8

Sunod niyang isinulot saiya an pantahob sa daghan dangan ibinugtak niya duman an Urim asin Tummim.

Mikas 3:7

An mga naghuhula kan maabot na panahon mawawaraan nin onra huli ta dai mangyayari an saindang hula. Gabos sinda magkakasoropog huli ta dai sinda sisimbagon nin Dios.

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.

Santiago 4:3

Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.

1 Samuel 14:37

Kaya naghapot si Saul sa Dios, “Salakayon ko daw an mga Filisteo? Papangganahon mo daw kami?” Alagad dai siya sinimbag nin Dios kan aldaw na idto.

1 Samuel 28:15

Sinabihan ni Samuel si Saul, “Tadaw ta pinurisaw mo ako? Tadaw ta pinabalik mo ako?” Nagsimbag si Saul, “Dakula an sakong kahaditan! Sinasalakay ako kan mga Filisteo, asin pinabayaan na ako nin Dios. Dai na niya ako sinisimbag, maski sa paagi kan mga propeta o sa mga pangatorogan. Kaya inapod taka tanganing sabihan mo ako kun ano an dapat kong gibohon.”

1 Samuel 28:5

Kan mahiling ni Saul an hukbo kan mga Filisteo, natakot siya