1 Samuel 28:16 - Marahay na Bareta Biblia

¹⁶ Nagsabi si Samuel, “Tadaw ta inaapod mo ako kun pinabayaan ka na nin Kagurangnan asin nagi mo na siyang kaiwal?

1 Samuel 28:16 ပူးပေါင်းရင်းမြစ်များ

2 Mga Hade 6:27

Nagsimbag siya, “Kun habo kang tabangan nin Kagurangnan anong tabang an ikakatao ko saimo? Igwa daw ako nin trigo o arak?

Mga Panambitan 2:4

Arog sa kaiwal, an saiyang mga bosog ihinimunta niya samo; ginadan niya an gabos na nakakapaogma samo. An saiyang labi-labing kaanggotan namatean nyamo digdi sa Jerusalem.

Mga Panambitan 2:5

Arog sa sarong kaiwal, rinaot nin Kagurangnan an Israel. Rinaot niya an mga palasyo saka an mga bantayan; an kamondoan asin an panambitan kan mga taga Juda saiya pang dinagdagan.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 18:24

Pinadusahan an Babilonia huli ta sa saiya pinabulos an dugo kan mga propeta asin kan mga banal patin kan gabos na ginadan sa ibabaw kan daga.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.

1 Samuel 28:15

Sinabihan ni Samuel si Saul, “Tadaw ta pinurisaw mo ako? Tadaw ta pinabalik mo ako?” Nagsimbag si Saul, “Dakula an sakong kahaditan! Sinasalakay ako kan mga Filisteo, asin pinabayaan na ako nin Dios. Dai na niya ako sinisimbag, maski sa paagi kan mga propeta o sa mga pangatorogan. Kaya inapod taka tanganing sabihan mo ako kun ano an dapat kong gibohon.”

1 Samuel 28:17

Ginibo na saimo nin Kagurangnan an itinaram niya sako; hinale na saimo an kahadean asin itinao na ki David.