1 Samuel 28:14 - Marahay na Bareta Biblia

¹⁴ Naghapot si Saul, “Ano an porma kan espiritu?” Nagsimbag an babae, “Sarong gurang na lalaking nakaalikboy an nagluwas.” Dangan naaraman ni Saul na iyo idto si Samuel, kaya nagdapa siya sa daga sa pagtaong galang.

1 Samuel 28:14 ပူးပေါင်းရင်းမြစ်များ

1 Mga Hade 19:19

Naghale si Elias asin nakua niya si Eliseo na nag-aarado; igwa nin onseng pades na torong baka sa enotan niya, asin yaon siya sa ikadoseng pades. Hinuba ni Elias an saiyang alikboy asin inalikboy ki Eliseo.

2 Mga Hade 1:7

“Anong klaseng lalaki an nagsabat saindo asin nagsabi kan mga bagay na ini?” an hapot kan hade.

2 Mga Hade 2:8

Dangan hinuba ni Elias an saiyang alikboy, linukot asin ipinakol sa tubig. Nabanga an tubig, asin nag-agi sinda sa mamarang daga pasiring sa ibong kan salog.

1 Samuel 15:27

Kan magtalikod si Samuel tanganing maghale, kinapotan ni Saul an saiyang alikboy, asin napakit ini.

1 Samuel 24:8

Sinunod siya ni David dangan inapod, “Mahal na Hade!” Nagsalingoy si Saul; nagdapa sa daga si David sa pagtaong galang.

1 Samuel 28:13

Nagsabi si Saul, “Dai ka matakot! Ano an nahihiling mo?” “Igwa akong nahihiling na espiritu na nagluluwas hale sa daga,” an simbag kan babae.