1 Samuel 28:10 - Marahay na Bareta Biblia

¹⁰ Alagad nagsumpa si Saul, “Siring na buhay an Kagurangnan nanunuga ako na dai ka papadusahan huli sa paggibo mo kaini.”

1 Samuel 28:10 ပူးပေါင်းရင်းမြစ်များ

Genesis 3:5

Itinaram iyan nin Dios huli ta aram niya na sa oras na kumakan kamo kaiyan, makakaarog kamo sa Dios asin maaaraman na nindo an marahay asin an maraot.”

2 Samuel 14:11

Nagsabi an babae, “Pamibian man sa Kagurangnan na saimong Dios, na an sakong kadugo dai na magbalos tanganing an natatada kong aki dai na niya gadanon.” Nagsimbag si David, “Isinusumpa ko sa ngaran kan buhay na Kagurangnan na mayo maski sarong buhok kan aki mong lalaki an matatakdag sa daga.”

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Mateo 26:72

Pinagnegaran ini liwat ni Pedro na nagsusumpa, “Dai ko nanggad midbid an tawong iyan!”

Markos 6:23

Nagsumpa pa siya nin siring, “Itatao ko saimo an anoman na hagadon mo, maski an kabanga kan sakong kahadean!”

1 Samuel 14:39

Isinusumpa ko sa buhay na Kagurangnan, na nagliligtas sa Israel, na gagadanon an nagkasala, maski siya iyo an sakong aking si Jonatan.” Alagad mayo nin siisay man na nagsimbag ki Saul.

1 Samuel 19:6

Nag-oyon si Saul sa isinabi ni Jonatan asin nanumpa sa ngaran nin Kagurangnan na dai niya gagadanon si David.

1 Samuel 28:11

“Siisay an aapodon ko para saimo?” hapot kan babae. “Si Samuel,” an simbag ni Saul.

1 Samuel 28:9

Nagsimbag an babae, “Aram mo na gayod an ginibo ni Saul, kun paano niya pinahale an mga parahula asin mga espiritista sa Israel. Tano ta dinadagka mo ako na maggibo kan magigin dahelan na mahidali an sakong kagadanan?”