1 Samuel 27:9 - Marahay na Bareta Biblia

⁹ Ginagaradan niya an gabos na lalaki asin babae saka sinasamsam an mga karnero, baka, asno, kamelyo, patin an mga gubing. Dangan minabalik siya ki Akis.

1 Samuel 27:9 ပူးပေါင်းရင်းမြစ်များ

Genesis 16:7

Sinabat si Hagar kan anghel nin Kagurangnan sa may burabod sa kalangtadan, sa dalan pasiring sa Sur.

Genesis 25:18

An saiyang mga kapagarakian nag-erok poon sa Havila sagkod sa Sur na nasa ibong kan Egipto, sa dalan pasiring sa Asiria; namuhay sindang suhay sa ibang mga kapagarakian ni Abraham.

An Libro ni Job 1:3

asin pitong ribong karnero, tolong ribong kamelyo, sangribong baka saka limang gatos na asno. Igwa man siya nin dakul na sorogoon; kaya siya an pinakamayaman na lalaki sa Sirangan.

Exodo 15:22

Sa pangengenot ni Moises, naghale an mga tawo sa Dagat na Pula asin nagpasiring sa kalangtadan nin Sur. Tolong aldaw na sindang nagralakaw, alagad mayo sindang nakuang tubig.

Josue 6:21

Ginadan ninda an gabos na tawo duman, lalaki saka babae, aki asin gurang. Ginadan man ninda an mga baka, karnero sagkod mga asno.

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”

1 Samuel 15:7

Nadaog ni Saul an mga Amalekita, na saiyang linabanan magpoon sa Havila sagkod sa Sur, sa sirangan nin Egipto.

1 Samuel 15:8

Nabihag niya si Hadeng Agag kan mga Amalekita asin ginaradan niya an gabos na tawo.