1 Samuel 27:1 - Marahay na Bareta Biblia

¹ Nagsaboot si David, “Maabot an aldaw na gagadanon ako ni Saul. An pinakamarahay na magigibo ko iyo an magdulag pasiring sa daga kan mga Filisteo; dai na ako pagpaparahanapon ni Saul sa daga nin Israel, asin magigin ligtas ako.”

1 Samuel 27:1 ပူးပေါင်းရင်းမြစ်များ

1 Mga Hade 12:26

Nagsaboot siya, “Sa kamugtakan na ini ngunyan, kun an sakong banwaan magtukad sa Jerusalem asin magdolot nin mga sakripisyo sa Templo nin Kagurangnan, an puso kan banwaan na ini mabirik ki Rehoboam na hade nin Juda asin gagadanon ninda ako.”

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 19:3

Natakot si Elias, kaya ipinag-iba niya an saiyang sorogoon asin nagdulag siya pasiring sa Beer-sheba sa Juda. Iwinalat duman ni Elias an saiyang sorogoon,

2 Mga Cronica 25:17

Dangan nagplano si Hadeng Amazias nin Juda laban sa Israel. Nagpadara siya nin mensahe sa hade nin Israel na si Jehoas na aking lalaki ni Jehoahaz asin makoapo ni Jehu, “Madya asin maghampangan kita sa gera.”

Salmo 116:11

maski kan ako natakot asin nagsabi, “Mayo nang tawong masasarigan.”

Salmo 55:7

Malayog ako pasiring sa harayo, dangan maerok ako sa kalangtadan.

Exodo 14:12

Bakong sinabihan mi na ika bago kita naghale na arog kaini an mangyayari? Sinabihan mi ika na dai mo kami pakiaraman asin na pabayaan mo kaming magpadagos sa paglingkod sa mga Egipcio. Mas marahay pang magin oripon kami ninda ki sa magadan digdi sa kalangtadan.”

Mga Talinhaga 13:12

Kun nawawara an paglaom naroronot an puso, alagad an kamawotan na naotob nagtatao nin kaogmahan.

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Mga Bilang 14:3

Ano ta dadarahon pa kita nin Kagurangnan sa dagang idto? Magagadan kita sa gera asin mabibihag an satong mga agom sagkod mga aki. Bako daw na mas marahay na magbalik kita sa Egipto?”

Mateo 14:31

Ginawgaw tolos ni Jesus an saiyang kamot, pinugol siya saka sinabihan, “Maluya an saimong pagtubod! Tadaw ta nagduwa-duwa ka?”

Markos 4:40

Dangan sinabihan ni Jesus an mga disipulo, “Tadaw ta natatakot kamo? Mayo kamo nin pagtubod?”

2 Corinto 7:5

Poon kan mag-abot kami sa Macedonia, dai lamang kami nakapahingalo. Nanumpongan mi an kasakitan saen man kami bumirik—mga iriwal sa palibot, asin takot sa samong puso.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 22:5

Dangan sinabihan si David kan propetang si Gad, “Dai ka mag-ontok digdi; magduman ka tolos sa daga nin Juda.” Kaya naghale si David asin nagduman sa kadlagan nin Heret.

1 Samuel 23:17

Nagsabi si Jonatan, “Dai ka matakot huli ta dai ka madadakop kan ama kong si Saul. Naaraman niyang ika an magigin hade nin Israel asin ako an sunod saimo.”

1 Samuel 25:30

Kun gibohon na an mga bagay na ini nin Kagurangnan na ipinanuga niya saimo, asin kun gibohon ka na niyang hade nin Israel,

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.

1 Samuel 29:2

Nagmartsa an limang hadeng Filisteo kaiba an saindang mga sakop na ginatos saka rinibong kalalakihan; si David asin an saiyang mga tawohan nasa hurihan, kaiba ni Hadeng Akis.

1 Samuel 29:3

Nahiling sinda kan mga pamayo kan mga Filisteo asin naghapot, “Ano an ginigibo digdi kan mga Hebreyong iyan?” Nagsimbag si Akis, “Iyo ini si David na sarong opisyal ni Saul na hade nin Israel. Haloy na siyang nasa kaibahan ko asin mayo akong nakukuang sala saiya poon kan magdolok siya sako.”