1 Samuel 26:9 - Marahay na Bareta Biblia

⁹ Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.

1 Samuel 26:9 ပူးပေါင်းရင်းမြစ်များ

2 Samuel 1:14

Hinapot siya ni David, “Tano ta dai ka natakot na gumadan kan linahidan nin Kagurangnan?”

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 19:22

Alagad nagsabi si David ki Abisai asin sa tugang kaining si Joab, “Siisay an naghagad saindo nin hatol? Kamo an matao sako nin problema? Ako na an hade sa Israel ngunyan, asin mayong magagadan na Israelita ngunyan na aldaw.”

Salmo 105:15

Nagtaram siya, “Dai nindo pagdutaan an sakong mga linahidan; an sakong mga propeta dai nindo pagkulogan.”

Salmo 17:4

bakong arog kan ibang mga tawo. Kinuyog ko an pagboot mo; an dalan nin kadahasan linikayan ko.

Salmo 57:1

Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Salmo 7:4

kun an sakong katood binalsan ko nin karatan, kun kinulgan ko an kaiwal na mayo man nin dahelan;

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 26:8

Nagsabi si Abisai ki David, “Ngunyan na banggi, itinao nin Dios sa saimong kamot an saimong kaiwal. Tugote akong itadok si Saul sa daga kan saiya man sanang garod; saro sanang tusok asin dai na kaipuhan uliton pa!”