1 Samuel 26:8 - Marahay na Bareta Biblia

⁸ Nagsabi si Abisai ki David, “Ngunyan na banggi, itinao nin Dios sa saimong kamot an saimong kaiwal. Tugote akong itadok si Saul sa daga kan saiya man sanang garod; saro sanang tusok asin dai na kaipuhan uliton pa!”

1 Samuel 26:8 ပူးပေါင်းရင်းမြစ်များ

2 Samuel 16:9

Nagsabi sa hade si Abisai, na aki ni Zeruias, “Mahal na hade, tadaw ta pinapabayaan mong maldisyonon ka kan ayam na iyan? Padumana ako asin pupugotan ko siya!”

Salmo 31:8

Dai mo ako itinao sa sakong mga kaiwal, kundi an bitis ko pinamugtak mo sa mahiwas na lugar.

Jeremias 40:15

Dangan hilom na nagsabi ki Gedalias si Johanan, “Padumana ako ki Ismael asin gagadanon ko siya, asin mayo nin makakaaram kaini. Dai siya dapat pabayaan na gadanon ka. Magigin dahelan iyan tanganing mawarak an mga Judio na nagtiripon sa palibot mo asin mapahamak an mga natada sa Juda.”

Nahum 1:9

Ano an pinaplano nindo tumang sa Kagurangnan? Gagadanon niya kamo. Mayo pa nin tawong nakatumang saiya nin makaduwang beses.

Roma 11:32

Ibinibilanggo nin Dios an gabos na tawo sa kasombikalan tanganing an gabos saiyang maherakan.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.

Josue 21:44

Tinawan sinda nin Kagurangnan nin katoninongan sa bilog na daga, siring sa ipinanuga niya sa saindang mga ginikanan. Dai sinda nadaog kan arin man sa saindang mga kaiwal, huli ta pinapanggana sinda nin Kagurangnan.

Hukom 1:4

asin Juda. Pinapanggana sinda nin Kagurangnan laban sa mga Cananeo asin sa mga Perezeo; dinaog ninda an sampolong ribong kalalakihan duman sa Bezek.

1 Samuel 23:14

Nagtago si David sa kabubuldan, sa kalangtadan nin Zif. Padagos man si Saul sa paghingowa na makua siya, alagad dai siya itinao nin Dios ki Saul.

1 Samuel 24:4

Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 24:5

Alagad pakatapos, nagbasol si David.

1 Samuel 26:23

Binabalosan nin Kagurangnan idtong mga maimbod asin matanos. Itinao ka nin Kagurangnan sa sakong kamot ngunyan na aldaw, alagad dai ko ginadan an linahidan nin Kagurangnan.

1 Samuel 26:7

Kaya kan bangging idto, linaog ni David saka ni Abisai an kampo ni Saul asin nanumpongan ninda siyang nagkakatorog sa tahaw kan kampo; sa may pamayohan niya, nakatusok sa daga an saiyang garod. Si Abner asin an mga soldados nagkakatorog sa palibot ni Saul.

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.