1 Samuel 26:7 - Marahay na Bareta Biblia

⁷ Kaya kan bangging idto, linaog ni David saka ni Abisai an kampo ni Saul asin nanumpongan ninda siyang nagkakatorog sa tahaw kan kampo; sa may pamayohan niya, nakatusok sa daga an saiyang garod. Si Abner asin an mga soldados nagkakatorog sa palibot ni Saul.

1 Samuel 26:7 ပူးပေါင်းရင်းမြစ်များ

Genesis 45:19

Sabihi man sinda na magdara nin mga lunadan hale digdi sa Egipto para sa saindang mga agom saka saradit na mga aki, asin ipag-iba ninda digdi an saindong ama.

1 Samuel 17:20

Sunod na aldaw, amay na nagbangon si David, pinabantayan sa iba an mga karnero, dinara an pagkakan asin naglakaw siring kan ipinagboot saiya ni Jesse. Nag-abot sa kampo si David mantang nagpapasiring sa saindang pwesto an mga Israelita asin nagkukurahaw nin pakigera.

1 Samuel 26:6

Hinapot ni David si Ahimelec na Heteo, asin si Abisai na tugang ni Joab (an ina ninda iyo si Zeruias), “Siisay sa saindong duwa an maiba sako pasiring sa kampo ni Saul?” “Ako,” an simbag ni Abisai.

1 Samuel 26:8

Nagsabi si Abisai ki David, “Ngunyan na banggi, itinao nin Dios sa saimong kamot an saimong kaiwal. Tugote akong itadok si Saul sa daga kan saiya man sanang garod; saro sanang tusok asin dai na kaipuhan uliton pa!”