1 Samuel 26:25 - Marahay na Bareta Biblia

²⁵ Sinabihan ni Saul si David, “Bendisyonan ka logod nin Dios, aki ko! Dakul na bagay an saimong gigibohon asin magigin mauswag ka!” Kaya nagpadagos si David sa saiyang paglakaw asin nagpuli man si Saul.

1 Samuel 26:25 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Mga Talinhaga 26:25

Marahay iyan pagdangogon alagad dai ka magtubod saiya, huli ta an puso niya pano nin kaanggotan.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Oseas 12:4

nakilaban siya sa sarong anghel asin nanggana siya. Naghibi siya dangan nakimaherak na bendisyonan. Sa Betel, dinolok nin Dios an satong ginikanan na si Jacob asin nakiolay saiya.

Roma 8:35

Siisay an makakapasuhay sato sa pagkamoot ni Cristo? Makapasuhay daw sato an kahaditan, o kadipisilan, o pagpasakit, o kagutoman, o kaya kadukhaan, o pag-alaman, o kagadanan?

Roma 8:37

Dai! An gabos na ini madadaog ta huli ki Cristo, na namoot sato!

1 Samuel 24:19

Huli ta kun makua na nin sarong tawo an saiyang kaiwal, pinapaligtas pa daw niya? Bendisyonan ka logod nin Kagurangnan huli kan ginibo mo sako ngunyan na aldaw!

1 Samuel 24:20

Ngunyan ko napatunayan na ika an magigin hade nin Israel asin an kahadean na iyan magdadanay sa pamamahala mo.

1 Samuel 24:22

Nagsumpa si David. Dangan nagpuli si Saul, asin nagbalik man si David saka an saiyang mga kairiba sa saindang lugar na pinagtatagoan.