1 Samuel 26:2 - Marahay na Bareta Biblia

² Nagduman tolos si Saul sa kalangtadan nin Zif kaiba an tolong ribo kan pinakamarahay na mga soldados nin Israel, tanganing hanapon si David.

1 Samuel 26:2 ပူးပေါင်းရင်းမြစ်များ

Salmo 38:12

Mga litag ibinubugtak kan mga boot sakong gumadan, an mga boot magkulog sako nagsasabi nin karatan; sa maghapon, an pagpasaluib sako iyo an kamawotan.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 24:17

Nagsabi pa si Saul ki David, “Mas matanos ka ki sa sako. Ginibohan mo ako nin karahayan, mantang karatan an ginibo ko saimo!

1 Samuel 24:2

Ipinag-iba ni Saul sa paghanap niya ki David an tolong ribong piling soldados nin Israel; nagduman sinda sa sirangan kan Kagapoan kan Lalaw na Kanding.

1 Samuel 24:3

Nakaabot siya sa sarong lungib harani sa nagkapirang laoman nin mga karnero sa may dalan; naglaog siya sa lungib tanganing magkasilyas. Kan panahon na idto, si David asin an saiyang mga kairiba yaon duman nagtatago sa pinakaporong parte kan lungib.