1 Samuel 26:19 - Marahay na Bareta Biblia

¹⁹ Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.

1 Samuel 26:19 ပူးပေါင်းရင်းမြစ်များ

Genesis 44:18

Nagdolok si Juda ki Jose asin nagsabi, “Kagurangnan, tugote akong magpaliwanag; dai ka maanggot sako huli ta garong ika man sana an hade.

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

2 Samuel 14:16

Huli ta dadangogon niya ako asin ililigtas sa boot gumadan sako asin sa sakong aki tanganing mapara kami sa dagang itinao nin Dios sa saiyang banwaan.’

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

2 Samuel 16:11

Dangan sinabihan ni David si Abisai asin an gabos niyang opisyal, “Kun boot ngani akong gadanon kan sakong aki, tadaw ta minangalas kamo sa Benjaminitang ini? Sinabihan siya nin Kagurangnan na maldisyonon ako, kaya pabayaan nindo siya na magmaldisyon sako.

2 Samuel 20:19

Bantog an samong syudad, saro kan pinakamatoninong asin maimbod na syudad sa Israel. Tadaw ta boot mong rumpagon ini? Tano ta boot mong raoton an pamana nin Kagurangnan?”

2 Samuel 21:3

Kaya inapod ni David an mga taga Gibeon asin sinabihan, “Ano an magigibo ko para saindo? Boot kong mabayadan an karatan na ginibo saindo, tanganing mabendisyonan nindo an banwaan nin Kagurangnan.”

2 Samuel 24:1

Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

1 Mga Hade 22:22

Hinapot nin Kagurangnan an espiritu, ‘Sa anong paagi?’ Asin nagsimbag siya, ‘Maduman ako asin magigin espiritung nagpuputik sa ngoso kan gabos niyang propeta.’ Nagtaram an Kagurangnan, ‘Dagkahon mo siya ta manggagana ka; lakaw saka giboha iyan.’”

1 Mga Cronica 21:1

Nagtindog si Satanas laban sa Israel asin dinagka si David na sensohon an banwaan nin Israel.

Salmo 120:5

Herak man sako na nakikimanwa ako sa Mesek; na nakikierok ako sa mga tolda nin Kedar.

Salmo 20:4

Itao niya logod saimo an minamawot kan saimong puso, asin otobon an gabos mong plano.

Mga Talinhaga 30:10

Dai mo pagpakaraoton an sarong sorogoon sa saiyang kagurangnan. Tibaad maldisyonon ka niya saka pabayadon huli kan ginibo mo.

Isaias 60:5

Mahihiling mo ini asin mapapano ka nin kaogmahan; maglulukso ka sa dakulang kagayagayahan. Dadarahon saimo an kayamanan kan mga nasyon; an saindang kayamanan madatong hale sa ibong kan dagat.

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Mga Bilang 36:7

An pagsadiri kan lambang Israelita dai pwedeng ibalyo sa ibang tribu; magdadanay iyan sa tribu kan saiyang ginikanan.

Mga Bilang 36:9

Kaya mayo nin kahirasan na makakabalyo sa ibang tribu. Danay na masasadirihan kan lambang tribu an pagsadiri kaiyan.”

Roma 14:15

Kun nakukulogan mo an boot kan saimong tugang huli kan saimong kinakakan, an ginigibo mo bakong basado sa pagkamoot. Sa pagtubos saiya nagadan si Cristo, kaya dai mo siya pagraoton huli sana kan saimong kinakakan.

Galacia 5:12

Mawot ko na an mga tawong nagpaparibok saindo bako sanang magpaserkomsisyon kundi magpakapon pa!

Deuteronomio 13:3

dai kamo magtubod saiya. Ginagamit siya nin Kagurangnan na saindong Dios sa pagbalo saindo tanganing mahiling niya kun talagang namomotan nindo siya sa bilog nindong puso.

2 Timoteo 4:14

Dakulang karatan an ginibo sako ni Alejandro na panday nin mga metal; babalosan siya nin Kagurangnan sosog sa saiyang ginibo.

1 Samuel 18:10

Sunod na aldaw, naglaog ki Saul an sarong marompot na espiritu na hale sa Dios asin nagparakurahaw siya sa laog kan saiyang harong na siring sa sarong bua, mantang nagtutugtog si David sa saiyang arpa, arog kan ginigibo niya aroaldaw. Igwang kapot na garod si Saul asin

1 Samuel 24:9

Nagsabi si David, “Tano ta dinadangog mo an mga tawong nagsasabing boot takang gadanon?

1 Samuel 25:24

sa pamitisan ni David. Nagsabi siya ki David, “Mapasako an kasalan, kagurangnan, alagad dangoga man ako.

1 Samuel 27:1

Nagsaboot si David, “Maabot an aldaw na gagadanon ako ni Saul. An pinakamarahay na magigibo ko iyo an magdulag pasiring sa daga kan mga Filisteo; dai na ako pagpaparahanapon ni Saul sa daga nin Israel, asin magigin ligtas ako.”