1 Samuel 26:12 - Marahay na Bareta Biblia

¹² Kaya kinua ni David an garod asin an dulay sa may pamayohan ni Saul, dangan naghale na sindang duwa. Mayo nin siisay man na nakahiling o nakaaram kan nangyari; mayo nin nagimata—tororog sinda gabos, huli ta pinakatorog sindang marahay nin Kagurangnan.

1 Samuel 26:12 ပူးပေါင်းရင်းမြစ်များ

Genesis 15:12

Kan nagsosolnop na an aldaw, nangatorog nin marahay si Abram asin nagkaigwa siya nin makuring takot.

Genesis 2:21

Kaya pinatorog nin Kagurangnan Dios an tawo asin mantang torog pa ini, kuminua siya nin sarong gusok dangan isinara niya an laman.

Esther 6:1

Kan bangging idto dai nangangatorog an hade, kaya ipinakua niya an opisyal na talaan kan imperyo dangan ipinabasa idto mantang nagdadangog siya.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

1 Samuel 24:4

Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 26:13

Nagbalyo si David sa kapantayan asin nagtindog sa alitoktok kan bukid, sa sarong ligtas na lugar,

1 Samuel 26:7

Kaya kan bangging idto, linaog ni David saka ni Abisai an kampo ni Saul asin nanumpongan ninda siyang nagkakatorog sa tahaw kan kampo; sa may pamayohan niya, nakatusok sa daga an saiyang garod. Si Abner asin an mga soldados nagkakatorog sa palibot ni Saul.