1 Samuel 26:11 - Marahay na Bareta Biblia

¹¹ Dai logod itugot nin Kagurangnan na ako an magbikyaw kan sakong kamot tanganing gadanon an saiyang linahidan! Alagad kuaha an saiyang garod saka an dulay, asin maghale na kita.”

1 Samuel 26:11 ပူးပေါင်းရင်းမြစ်များ

2 Samuel 1:14

Hinapot siya ni David, “Tano ta dai ka natakot na gumadan kan linahidan nin Kagurangnan?”

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 19:22

Alagad nagsabi si David ki Abisai asin sa tugang kaining si Joab, “Siisay an naghagad saindo nin hatol? Kamo an matao sako nin problema? Ako na an hade sa Israel ngunyan, asin mayong magagadan na Israelita ngunyan na aldaw.”

Salmo 17:4

bakong arog kan ibang mga tawo. Kinuyog ko an pagboot mo; an dalan nin kadahasan linikayan ko.

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 24:4

Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”