1 Samuel 26:10 - Marahay na Bareta Biblia

¹⁰ Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.

1 Samuel 26:10 ပူးပေါင်းရင်းမြစ်များ

Genesis 47:29

Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

An Libro ni Job 14:14

Kun magadan an sarong tawo, mabubuhay pa daw siya giraray? Alagad hahalaton ko an mas marahay na mga aldaw; hahalaton kong matapos ining panahon nin kasakitan.

An Libro ni Job 14:5

Aram mo na an lawig kan saiyang buhay, an bilang kan mga bulan niya digdi sa kinaban. Ika an nagboot kaiyan, asin dai iyan maliliwat.

An Libro ni Job 7:1

“An buhay nin tawo nakakaarog sa pirit na paglingkod sa hukbo, arog sa buhay nin sarong parapatandan,

Salmo 37:10

Dai mahahaloy mapapara an maraot; maski hanapon mo siya sa saiyang lugar, mayo siya duman;

Salmo 37:13

Alagad nginingisihan nin Kagurangnan an mga maraot na tawo, huli ta aram niyang madali na sindang magadan.

Salmo 94:23

Papadusahan niya sinda huli kan saindang karatan, tutunawon niya sinda huli kan saindang mga kasalan; gagadanon sinda nin Kagurangnan na satuyang Dios.

Parahulit 3:2

Panahon nin pagkamundag, asin panahon nin pagkagadan; panahon nin pagtanom, asin panahon nin paggabot kan itinanom;

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Deuteronomio 31:14

Dangan tinaraman nin Kagurangnan si Moises, “Madali ka nang magadan. Apodon mo si Josue asin darahon mo siya sa Tabernakulo tanganing sakuyang sugoon.” Naglaog sa Tabernakulo si Moises saka si Josue,

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Hebreyo 10:30

Huli ta midbid nyato an nagsabi, “Ako an mabalos, ako an mabayad.” Nagsabi pa siya, “Huhukoman nin Kagurangnan an saiyang banwaan.”

Hebreyo 9:27

Itinalaan na sarong beses sana magadan an lambang tawo, dangan an paghukom.

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 25:38

Pakalihis nin sampolong aldaw, hinampak nin Kagurangnan si Nabal asin nagadan siya.

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 31:4

Sinabihan ni Saul an paradara kan saiyang mga armas, “Hugkota an saimong espada asin gadana ako, tanganing dai ako pag-olog-ologon kan bakong sirkomsisyonadong mga Filisteong ini.” Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.

1 Samuel 31:6

Siring kaidto an pagkagadan ni Saul, kan saiyang tolong aking lalaki, asin kan paradara kan saiyang mga armas, patin kan gabos niyang tawohan. Nagadan sinda sa parehong aldaw.