1 Samuel 25:7 - Marahay na Bareta Biblia

⁷ Nabaretaan kong naggugunting ka kan saimong mga karnero; boot kong maaraman mo na nagin kaiba mi an saimong mga pastor asin dai mi sinda ginibohan nin maraot. Mayong nawara sa saimong pagsadiri mantang idtoon sinda sa Carmelo.

1 Samuel 25:7 ပူးပေါင်းရင်းမြစ်များ

2 Samuel 13:23

Pakalihis nin duwang taon, kan pinapaguntingan ni Absalom an saiyang mga karnero sa Baal-hazor, harani sa banwa nin Efraim, an gabos na aking lalaki kan hade inalok ni Absalom na magduman.

2 Samuel 13:24

Nagduman si Absalom ki Hadeng David asin nagsabi, “Mahal na hade, pinapaguntingan ko an sakong mga karnero. Pwede ka daw magduman asin an saimong mga opisyal?”

Lukas 3:14

May mga soldados man na naghapot saiya, “Kami, ano an dapat ming gibohon?” “Dai kamo magkua nin kwarta maski kiisay sa paagi nin kosog o salang sumbong; makontento kamo sa sweldo nindo.”

Filipos 2:15

tanganing dai kamo magkasala, kundi magin malinig asin mayong kaninan na mga aki nin Dios sa kinaban na pano nin mga tawong maraot asin tampalasan. Sa siring na paagi, magliliwanag kamo sa tahaw ninda siring sa mga bitoon na nagliliwanag sa langit,

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

1 Samuel 22:2

Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.

1 Samuel 25:21

Nagsasaboot kaidto si David, “Tano ta binantayan ko pa an pagsadiri kan tawong idto digdi sa kalangtadan? Mayong nawara sa pagsadiri niya, asin ngunyan binabayadan niya nin karatan an ginibo kong karahayan!