1 Samuel 25:39 - Marahay na Bareta Biblia

³⁹ Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 25:39 ပူးပေါင်းရင်းမြစ်များ

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

1 Mga Hade 2:44

Aram mo an mga karatan na ginibo mo sa sakong ama na si David. Huli kaini papadusahan ka nin Kagurangnan.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Esther 9:25

Alagad nagduman si Esther sa hade asin nagpaluwas an hade nin nasusurat na mga pagboot na gibohon ki Haman an maraot na plano kaini laban sa mga Judio. Binitay siya saka an saiyang mga aking lalaki.

Salmo 7:16

Kaya siya an nagdudusa sa ginibo niyang karatan; nakukulgan kan gibo niyang kadahasan.

Salmo 9:5

Sinagwe mo an mga nasyon, rinonot mo an mga maraot; pinara mo an saindang ngaran sagkod lamang.

Mga Talinhaga 18:22

An pakaagom nin marahay na babae sarong kaogmahan; nagpapahiling iyan na nawiwilihan ka nin Kagurangnan.

Mga Talinhaga 19:14

Namamana sa mga magurang an harong asin kayamanan, alagad hale sa Kagurangnan an marahay na agom.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Mga Talinhaga 31:10

Masakit an paghanap nin marahay na agom na babae? Mas mahalaga siya ki sa mga alahas.

Mga Talinhaga 31:30

Madaya an karinyo asin nawawara an gayon, alagad an babae na may pagkatakot sa Kagurangnan dapat na omawon.

Awit nin mga Awit 8:8

Igwa kaming sadit na tugang na babae, asin sadit pa an saiyang mga suso. Ano an magigibo mi para saiya sa aldaw na igwa na nin hoben na lalaking boot mag-agom saiya?

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

2 Corinto 13:7

Namimibi kami sa Dios na dai man logod kamo masala—bakong sa pagpahiling na kami tama, kundi tanganing maggibo kamo nin tama maski nahiling kamo na garo nasala.

1 Tesalonica 5:23

Pakabanalon logod kamo nin lubos kan Dios nin katoninongan; magdanay logod kamong malinig asin daing digta sa espiritu, sa kalag, asin hawak, sagkod sa pagdatong ni Jesu-Cristo na satong Kagurangnan.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

Hukom 5:2

Pag-omawon an Kagurangnan! Desidido an mga Israelita sa pakilaban; nag-iba sinda na may kaogmahan.

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 25:32

Sinabihan siya ni David, “Pag-omawon an Kagurangnan, an Dios nin Israel, na nagsugo saimo ngunyan na aldaw tanganing sabaton ako!

1 Samuel 25:34

Dai itinugot nin Kagurangnan na makulogan taka. Alagad isinusumpa ko sa ngaran kan buhay na Dios nin Israel na kun dai ka naghidali sa pagsabat sako, gadan kutana an gabos na tawohan ni Nabal bago mag-aga!”

1 Samuel 25:40

Nagduman an mga sorogoon ni David ki Abigail sa Carmelo asin nagsabi, “Pinadigdi kami ni David tanganing ipag-iba mi ika saiya tanganing magin saiyang agom.”

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.