1 Samuel 25:34 - Marahay na Bareta Biblia

³⁴ Dai itinugot nin Kagurangnan na makulogan taka. Alagad isinusumpa ko sa ngaran kan buhay na Dios nin Israel na kun dai ka naghidali sa pagsabat sako, gadan kutana an gabos na tawohan ni Nabal bago mag-aga!”

1 Samuel 25:34 ပူးပေါင်းရင်းမြစ်များ

Genesis 20:6

Nagsimbag an Dios sa pangatorogan, “Aram kong malinig an saimong konsyensya kaya dai ko itinugot na magkasala ka sako asin madotdot mo siya.

Josue 10:6

An mga taga Gibeon nagpadara nin mensahe ki Josue duman sa kampo sa Gilgal: “Dai mo kami pagpabayaan! Magdigdi ka tolos asin tabangan mo kami! Iligtas mo kami huli ta nagkasararo an mga hadeng Amoreo na nag-eerok sa kabubuldan asin sinalakay kami!”

Josue 10:9

Magdamlag na naglakaw si Josue asin an saiyang mga soldados hale sa Gilgal pasiring sa Gibeon, asin bigla nindang sinalakay an mga Amoreo.

1 Samuel 11:11

Pagkaagang amay, pinagtolong grupo ni Saul an saiyang mga tawohan, asin kan nagliliwanag na, sinalakay ninda an kampo kan mga Ammonita. Kan odto na, dakul na an nagkagaradan sa mga kaiwal; nawarak an mga natada, mala ta mayo nin duwa katawo na nakadulag pasiring sa parehong lugar.

1 Samuel 25:18

Hidaling nagkua si Abigail nin duwang gatos na tinapay, duwang laogan na anit na pano nin arak, limang linitson na karnero, dyes y syete kilos na pinaalang na trigo, sanggatos na pungot nin pasas, asin duwang gatos na bibingkang alang na higera; ikinarga niya ini gabos sa mga asno.

1 Samuel 25:22

Gadanon logod ako nin Dios kun dai ko gadanon an lambang saro kan mga lalaking idto bago mag-aga!”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.