1 Samuel 25:33 - Marahay na Bareta Biblia

³³ Salamat sa Dios huli kan marahay mong kaisipan asin huli kan paglikayan mo sako sa paggadan asin sa pagbalos ngunyan na aldaw.

1 Samuel 25:33 ပူးပေါင်းရင်းမြစ်များ

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Exodo 22:2

Dapat niyang bayadan an saiyang hinabon; kun dai siyang ibabayad, siya an ipapabakal bilang oripon tanganing mabayadan niya an saiyang hinabon. Kun an hinabon na hayop, baka, asno o karnero man, buhay pang nakua sa saiya, an sarong hayop babayadan niya nin duwa. “Kun bangging nadakop asin nagadan an nagsalakat sa sarong harong, dai sasalaon an nakagadan. Alagad kun aldaw ini nangyari, sisimbagon niya an buhay kan nagadan.

Mga Talinhaga 13:14

An mga katukdoan kan madonong burabod nin buhay para sa tawong boot makalikay sa mga siod nin kagadanan.

Mga Talinhaga 17:10

An sarong pagsagwe orog na minatadom sa sarong madonong ki sa sanggatos na hampak sa sarong lolong.

Mga Talinhaga 25:12

An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mga Talinhaga 27:21

An bulawan saka an plata binabalo sa kalayo; an tawo hinuhukoman huli kan saiyang dangog.

Mga Talinhaga 28:23

Mas dakul an nagpapasalamat sa tawong nagsasagwe, ki sa tawong nag-oomaw maski bakong maninigo.

Mga Talinhaga 9:9

tukdoe an tawong matanos, asin madakula an saiyang pakanood.

1 Samuel 24:19

Huli ta kun makua na nin sarong tawo an saiyang kaiwal, pinapaligtas pa daw niya? Bendisyonan ka logod nin Kagurangnan huli kan ginibo mo sako ngunyan na aldaw!

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 25:31

dai ka na magkakaigwa nin dahelan tanganing magmondo o magbasol, huli ta nakagadan ka na mayong dahelan o huli ta nagbalos ka. Asin kun bendisyonan ka na nin Kagurangnan, giromdoma man ako.”