1 Samuel 25:31 - Marahay na Bareta Biblia

³¹ dai ka na magkakaigwa nin dahelan tanganing magmondo o magbasol, huli ta nakagadan ka na mayong dahelan o huli ta nagbalos ka. Asin kun bendisyonan ka na nin Kagurangnan, giromdoma man ako.”

1 Samuel 25:31 ပူးပေါင်းရင်းမြစ်များ

Genesis 40:14

Alagad giromdoma man ako kun nasa marahay ka nang kamugtakan, na maonabihan mo ako sa hade asin matabangan na makaluwas digdi sa bilanggoan.

2 Samuel 22:48

Tinawan niya ako nin kapangganahan laban sa sakong mga kalaban; pinasakop niya sako an mga nasyon

Salmo 94:1

Kagurangnan, ika sarong Dios na nagpapadusa; pahilingan an saimong kaanggotan!

Lukas 23:42

Dangan nagsabi siya, “Jesus, giromdoma man ako pag-abot mo sa saimong Kahadean.”

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Roma 14:21

An dapat mong gibohon iyo na dai ka magkakan nin karne, mag-inom nin arak o maggibo nin anoman na makakapakasala sa tugang mo.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 25:30

Kun gibohon na an mga bagay na ini nin Kagurangnan na ipinanuga niya saimo, asin kun gibohon ka na niyang hade nin Israel,

1 Samuel 25:33

Salamat sa Dios huli kan marahay mong kaisipan asin huli kan paglikayan mo sako sa paggadan asin sa pagbalos ngunyan na aldaw.

1 Samuel 25:40

Nagduman an mga sorogoon ni David ki Abigail sa Carmelo asin nagsabi, “Pinadigdi kami ni David tanganing ipag-iba mi ika saiya tanganing magin saiyang agom.”

1 Samuel 26:23

Binabalosan nin Kagurangnan idtong mga maimbod asin matanos. Itinao ka nin Kagurangnan sa sakong kamot ngunyan na aldaw, alagad dai ko ginadan an linahidan nin Kagurangnan.