1 Samuel 25:29 - Marahay na Bareta Biblia

²⁹ Kun igwang magsalakay saimo asin magmawot na gadanon ka, an Kagurangnan na saimong Dios an maataman saimo, arog kan pag-ataman nin sarong tawo sa sarong mahalagang bagay. Alagad saiyang itatapok an saimong mga kaiwal, siring sa mga gapo na ilinalagpitaw nin sarong tawo.

1 Samuel 25:29 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

2 Samuel 4:8

Dinara ninda an payo ki Hadeng David duman sa Hebron. Nagsabi sinda, “Uya an payo ni Isboset, an aki kan saimong kaiwal na si Saul na boot gumadan saimo. Itinugot nin Kagurangnan na makabalos ngunyan na aldaw an sakong hade ki Saul asin sa saiyang kapagarakian.”

An Libro ni Job 27:22

Mayong herak na hohoyopon sinda kan doros mantang naghihingowa sindang makadulag.

Salmo 116:15

Makulog para sa Kagurangnan kun nagagadan an saro kan saiyang mga banal!

Salmo 54:3

Mga tawong mapaabaw-abaw nagbangon tumang sako; mga maringis na tawo an nagmamawot na gadanon ako, mga tawong dai nagmimidbid sa Dios.

Salmo 66:9

sa saiya na padagos satong nagbubuhay asin dai nagtutugot na kita magadan.

Jeremias 10:18

Itatapok kamo nin Kagurangnan sa luwas kan dagang ini; roronoton niya kamo sagkod na mayo na saindo nin matada. An Kagurangnan an nagtaram.

Malakias 3:17

“Sinda an sakong magigin banwaan,” an sabi kan Kagurangnan nin mga hukbo. “Sa aldaw na humiro ako, masasadirihan ko sinda. Maheherak ako sainda siring na an sarong ama naheherak sa saiyang aking lalaki na naglilingkod saiya.

Juan 14:19

Dikit na sanang panahon, dai na ako mahihiling kan kinaban. Alagad mahihiling nindo ako; huli ta buhay ako, mabubuhay man kamo.

Juan 17:21

Ipinapamibi kong magkasararo logod sinda gabos; siring na ika, Ama, yaon sako asin ako yaon saimo, asin sinda man magin saro sa satuya, tanganing magtubod an kinaban na sinugo mo ako.

Juan 17:23

ako yaon sainda, ika yaon sako, nganing sinda magin saro nanggad. Sa paaging ini maaaraman kan kinaban na sinugo mo ako asin namomotan mo sinda siring kan pagkamoot mo sako.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.