1 Samuel 25:28 - Marahay na Bareta Biblia

²⁸ Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.

1 Samuel 25:28 ပူးပေါင်းရင်းမြစ်များ

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

2 Samuel 7:27

Nagkaigwa ako nin kosog na magpamibi saimo, O Kagurangnan nin mga hukbo, Dios nin Israel, huli ta ipinahayag mo ini gabos sako, na saimong sorogoon, dangan tinaraman na gigibohon mong mga hade an sakong kapagarakian.

1 Mga Hade 15:3

An gabos na kasalan na ginibo kan saiyang ama ginibo man niya, asin dai siya nagin maimbod sa Kagurangnan na saiyang Dios, bakong arog kan saiyang ginikanan na si David.

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 9:5

papatindogon ko sagkod pa man sa Israel an saimong kahadean, siring kan sakong panuga sa saimong ama kan taraman ko siyang, ‘Dai ka mahahalean nin kapagarakian na matukaw sa trono nin Israel.’

1 Mga Cronica 17:25

Nagkaigwa ako nin kosog nin boot na magpamibi saimo, sakuyang Dios, huli ta ipinahayag mo ini gabos sako, na saimong sorogoon, dangan tinaraman na gigibohon mong mga hade an sakong kapagarakian.

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

Salmo 7:3

Kagurangnan, sakuyang Dios, kun ini ginibo ko, kun an mga kamot ko sakong dinigtaan;

Salmo 89:29

Papadanayon ko an saiyang kapagarakian nin mga hade sagkod lamang; an saiyang kahadean magdadanay siring sa kalangitan.

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Lukas 23:41

Tama an sentensya sato huli sa ginibo ta; alagad mayo siyang ginibong sala.”

Lukas 23:47

Kan an nangyaring ini mahiling kan kapitan na Romano, nag-omaw siya sa Dios saka nagsabi, “Totoo mananggad na mayo nin sala an tawong ini!”

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 17:47

Mahihiling kan gabos na uya digdi na nagliligtas an Kagurangnan bako sa paagi nin espada o garod. Mapanggana siya sa gera, asin ibubugtak niya kamo gabos sa samong mga kamot.”

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.

1 Samuel 22:14

Nagsimbag si Ahimelec, “Bakong si David an pinakamaimbod mong opisyal, an saimong manugang, pamayo kan saimong bantay, asin iginagalang kan gabos na yaon sa laog kan saimong harong?

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.

1 Samuel 24:17

Nagsabi pa si Saul ki David, “Mas matanos ka ki sa sako. Ginibohan mo ako nin karahayan, mantang karatan an ginibo ko saimo!

1 Samuel 24:21

Kaya magsumpa ka sako sa ngaran nin Kagurangnan na dai mo gagadanon an sakong kapagarakian, tanganing dai malingawan an sakong ngaran asin an ngaran kan sakong pamilya.”

1 Samuel 24:4

Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 25:24

sa pamitisan ni David. Nagsabi siya ki David, “Mapasako an kasalan, kagurangnan, alagad dangoga man ako.

1 Samuel 29:3

Nahiling sinda kan mga pamayo kan mga Filisteo asin naghapot, “Ano an ginigibo digdi kan mga Hebreyong iyan?” Nagsimbag si Akis, “Iyo ini si David na sarong opisyal ni Saul na hade nin Israel. Haloy na siyang nasa kaibahan ko asin mayo akong nakukuang sala saiya poon kan magdolok siya sako.”

1 Samuel 30:26

Kan magbalik si David sa Ziklag, ipinadara niya an ibang sinamsam sa saiyang mga katood, an mga kamagurangan nin Juda, kaiba an mensaheng ini, “Uya an sarong regalo para saindo hale sa sinamsam na samong kinua sa mga kaiwal nin Kagurangnan.”