1 Samuel 25:26 - Marahay na Bareta Biblia

²⁶ An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 25:26 ပူးပေါင်းရင်းမြစ်များ

Genesis 20:6

Nagsimbag an Dios sa pangatorogan, “Aram kong malinig an saimong konsyensya kaya dai ko itinugot na magkasala ka sako asin madotdot mo siya.

2 Samuel 18:32

“Marahay daw an kamugtakan kan hoben na si Absalom?” an hapot kan hade. Nagsimbag an oripon, “Nagmamawot akong mangyari logod sa gabos mong kaiwal asin sa gabos na magrebelde saimo an nangyari ki Absalom.”

2 Mga Hade 2:2

asin sa dalan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Betel.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sindang duwa sa Betel.

2 Mga Hade 4:6

Kan mapano an mga dulay, nagsabi siya sa saro niyang aki, “Darahi pa ako nin dulay.” Nagsimbag an aki, “Mayo na nin dulay na dai nin laog.” Dangan nag-ontok an pagbulos kan lana.

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Mga Talinhaga 31:12

Mantang siya nabubuhay, gabos karahayan an itinatao niya sa saiyang agom asin bakong karatan.

Jeremias 29:22

Kun boot kan mga itinapok sa Babilonia hale sa Jerusalem na maldisyonon an sarong tawo, masabi sinda, ‘Iarog ka logod nin Kagurangnan ki Zedekias saka ki Ahab, na buhay na isinugba sa kalayo kan hade nin Babilonia!’

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Hebreyo 10:30

Huli ta midbid nyato an nagsabi, “Ako an mabalos, ako an mabayad.” Nagsabi pa siya, “Huhukoman nin Kagurangnan an saiyang banwaan.”

1 Samuel 1:26

Sinabihan ni Hanna si Eli, “Kun saimong nagigiromdoman, ako idtong babae na nahiling mong nagtitindog digdi na namimibi sa Kagurangnan.

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.

1 Samuel 20:16

dai mo man logod malingawan an tipan nyatong ini sa lambang saro. Kun mangyari iyan, padusahan ka logod nin Kagurangnan.”

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 22:3

Hale duman, nagpasiring si David sa Mizpa nin Moab asin sinabihan an hade nin Moab, “Tugoteng magdigdi an sakong ama saka ina asin digdi ngona mag-erok sa kaibahan mo, sagkod na maaraman ko kun ano an gigibohon nin Dios para sako.”

1 Samuel 25:25

Hare pagtawe nin halaga si Nabal, an mayong halagang tawong idto! Arog man nanggad siya kan kahulogan kan saiyang ngaran—sarong lolong! Mayo ako duman kan mag-abot an saimong mga sorogoon.

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.