1 Samuel 25:19 - Marahay na Bareta Biblia

¹⁹ Dangan sinabihan niya an mga sorogoon, “Mag-enot na kamo asin masunod ako.” Alagad dai niya sinabihan an saiyang agom na si Nabal.

1 Samuel 25:19 ပူးပေါင်းရင်းမြစ်များ

Genesis 32:16

Sinuhay niya ini gabos, pinaggrupo-grupo dangan ipinadara sa saiyang mga oripon; sarong oripon sa lambang grupo. Sinabihan niya sinda, “Mag-enot na kamo sako asin bugtakan nindo nin distansya an lambang grupo nin hayop.”

Genesis 32:19

Siring man an itinogon niya sa ikaduwa, sa ikatolo asin sa iba pang namamahala kan mga hayop: “Ini an sabihon nindo ki Esau sa oras na masabat nindo siya.

Genesis 32:20

Sabihon nindong, ‘Kasunod mi na si Jacob na saimong oripon.’” Nagsaboot si Jacob, “Sa kadaklan kan regalo ko, mawawara na an saiyang kaanggotan sako. Kaya sa oras na masabat ko siya, papatawadon na niya ako.”

Genesis 32:21

Pinaenot niya an mga regalo alagad duman na siya nagpaaga sa kampo.

Mga Talinhaga 31:27

Dai siya nag-oontok sa pagtrabaho aroaldaw asin minamangno niya an mga pangangaipo kan saiyang pamilya.

1 Samuel 14:1

Sarong aldaw, sinabihan ni Jonatan an hoben na lalaking paradara kan saiyang armas, “Madya, magduman kita sa kampo kan mga Filisteo.” Alagad dai pinaisi ni Jonatan an ama niyang si Saul,

1 Samuel 25:20

Nakalunad si Abigail sa saiyang asno kan masabat niya si David asin an saiyang mga tawohan sa sarong likoan sa bulod.

1 Samuel 25:36

Nagbalik si Abigail ki Nabal, na nagbabangkete sa saiyang harong, sarong bangkete na maninigo sa sarong hade. Burat na si Nabal asin maogma nin marahay, kaya dai siya inosipan ni Abigail sagkod kan sunod na aldaw.