1 Samuel 25:10 - Marahay na Bareta Biblia

¹⁰ Nagsimbag si Nabal, “Siisay si David? Mayo akong midbid na siring an ngaran! Kadakul ngunyan an mga oripon na nagdudulag sa saindang mga kagurangnan!

1 Samuel 25:10 ပူးပေါင်းရင်းမြစ်များ

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Parahulit 7:10

Hare paghapot, “Tadaw ta mas marahay an mga nakaaging aldaw ki sa mga aldaw na ini?” Huli ta bakong sa madonong an hapot na iyan.

Isaias 32:5

An sarong lolong dai na igagalang, asin an sarong maraot na tawo dai na aapodon na matanos.

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Hukom 9:28

Nagsabi si Gaal, “Anong klaseng mga lalaki kita digdi sa Shekem? Mas gusto ta pang maglingkod ki Abimelec? Tano, siisay man siya? Bakong naglingkod an aki ni Gideon asin an opisyal niyang si Zebul sa kalalakihan ni Hamor na ama ni Shekem? Kun siring, tano ta pinaglilingkodan ta si Abimelec?

1 Samuel 20:30

Naanggot nin marahay si Saul ki Jonatan asin sinabihan, “Aki nin maraot na babae! Aram kong pinili mo an aki ni Jesse sa kasosopgan mo asin nin saimong ina!

1 Samuel 22:2

Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.

1 Samuel 25:9

An mensaheng ini itinao kan mga tawohan ni David ki Nabal sa ngaran ni David dangan naghalat sinda.