1 Samuel 24:9 - Marahay na Bareta Biblia

⁹ Nagsabi si David, “Tano ta dinadangog mo an mga tawong nagsasabing boot takang gadanon?

1 Samuel 24:9 ပူးပေါင်းရင်းမြစ်များ

Salmo 101:5

An nagtutugod-tugod sa saiyang kapwa sakuyang gagadanon. An tawong hambogon asin mapaabaw-abaw dai ko matitios.

Salmo 141:6

Kun itao na sinda sa mga mapadusa sainda, dangan ninda masasabotan na totoo an tataramon nin Kagurangnan.

Mga Talinhaga 16:28

An tawong biko an kaisipan nagpapalakop nin iriwal, asin an matabil nagpapasuhay nin magkatood.

Mga Talinhaga 17:4

An tawong maraot naghihinanyog sa mga kaisipan na maraot, asin an putikon nagdadangog sa kaputikan.

Mga Talinhaga 18:8

An libak garo masiram na kakanon—boot ta nanggad iyan na halonon.

Mga Talinhaga 25:23

Kun paano nagdadara nin uran an amihan na doros, nagdadara man nin kaanggotan an paglibak.

Mga Talinhaga 26:28

An putikon na dila nakakapahamak kan mayo nin sala, asin an madayang tataramon nakakaraot sa kapwa.

Mga Talinhaga 29:12

Kun an sarong pamayo maghinanyog sa kaputikan, magigin putikon an gabos niyang opisyal.

Jeremias 37:18

Dangan naghapot ako, “Anong karatan an ginibo ko saimo, o sa saimong mga opisyal o sa mga tawong ini, kaya ipinabilanggo mo ako?

Levitico 19:16

Dai kamo magpalakop nin kaputikan manongod sa kiisay man, asin kun igwa nin tawong ipinaglalaban an saiyang buhay sa hukoman, kaipuhan na magpahayag kamo kun an sasabihon nindo makakatabang saiya. Ako an Kagurangnan.

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

1 Samuel 20:1

Dangan naghale si David sa Naiot sa Rama asin nagduman ki Jonatan. Hinapot niya si Jonatan, “Ano an ginibo ko? Ano an sakong kasalan? Anong karatan an ginibo ko sa saimong ama ta boot niya akong gadanon?”

1 Samuel 20:41

Pakahale kan hoben, nagluwas si David hale sa likodan kan tambak nin mga gapo dangan makatolong beses siyang nagdapa sa daga. Parehong naghihibi na naghadokan si David saka si Jonatan; orog an kamondoan ni David ki sa ki Jonatan.

1 Samuel 24:10

Nahiling mo ngunyan na aldaw kun paano ka itinao sako nin Kagurangnan sa laog kan lungib. Sinabihan ako kan nagkapira kong tawohan na gadanon ka, alagad dai taka ginadan, kundi nagsabi akong, ‘Dai ko gagadanon an sakong kagurangnan, huli ta siya an linahidan nin Kagurangnan.’

1 Samuel 24:8

Sinunod siya ni David dangan inapod, “Mahal na Hade!” Nagsalingoy si Saul; nagdapa sa daga si David sa pagtaong galang.

1 Samuel 26:18

Dangan nagpadagos siya, “Tano ta padagos mo akong linalamag? Ano an sakong ginibo? Anong krimen an naginibo ko?

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.