1 Samuel 24:4 - Marahay na Bareta Biblia

⁴ Sinabihan si David kan saiyang mga tawohan, “Iyo na ini an oportunidad mo! Tinaraman ka baga nin Kagurangnan na itatao niya sa saimong kamot an saimong kaiwal asin magigibo mo saiya an boot mong gibohon.” Nagkamang si David pasiring ki Saul asin tuminabas nin sadit na pedaso sa gubing niya; dai nagmangno an hade.

1 Samuel 24:4 ပူးပေါင်းရင်းမြစ်များ

2 Samuel 4:8

Dinara ninda an payo ki Hadeng David duman sa Hebron. Nagsabi sinda, “Uya an payo ni Isboset, an aki kan saimong kaiwal na si Saul na boot gumadan saimo. Itinugot nin Kagurangnan na makabalos ngunyan na aldaw an sakong hade ki Saul asin sa saiyang kapagarakian.”

An Libro ni Job 31:31

Naaaraman kan sakong mga trabahador na danay kong pinapasakat sa sakong harong an mga dayuhan.

Salmo 142:1

Minaagrangay ako sa Kagurangnan, nakikimaherak ako saiya tanganing tabangan.

Salmo 57:1

Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Exodo 21:13

Alagad kun dai man tinuyong kulogan an sarong tawo asin nagadan ini, an nakagadan pwedeng dumulag sa lugar na pipilion ko asin magigin ligtas siya duman.

1 Samuel 22:1

Nagdulag si David sa syudad nin Gat asin nagduman sa sarong lungib, harani sa banwa nin Adullam. Kan mabaretaan kan saiyang mga tugang na lalaki asin iba pang mga kadugo na idtoon siya duman, nagpasiring sinda saiya.

1 Samuel 23:17

Nagsabi si Jonatan, “Dai ka matakot huli ta dai ka madadakop kan ama kong si Saul. Naaraman niyang ika an magigin hade nin Israel asin ako an sunod saimo.”

1 Samuel 23:7

Naosipan si Saul na yaon duman si David sa Keila, asin nagsabi siya, “Itinao na sako nin Dios si David; kinulong niya an saiyang sadiri kan maglaog siya sa banwang nakukudal asin masasarig an trangkahan.”

1 Samuel 24:10

Nahiling mo ngunyan na aldaw kun paano ka itinao sako nin Kagurangnan sa laog kan lungib. Sinabihan ako kan nagkapira kong tawohan na gadanon ka, alagad dai taka ginadan, kundi nagsabi akong, ‘Dai ko gagadanon an sakong kagurangnan, huli ta siya an linahidan nin Kagurangnan.’

1 Samuel 24:18

Ipinahayag mo ngunyan kun gurano ka karahay sako, huli sa dai mo paggadan sako kan itao ako nin Kagurangnan sa saimong kamot.

1 Samuel 26:23

Binabalosan nin Kagurangnan idtong mga maimbod asin matanos. Itinao ka nin Kagurangnan sa sakong kamot ngunyan na aldaw, alagad dai ko ginadan an linahidan nin Kagurangnan.