1 Samuel 24:16 - Marahay na Bareta Biblia

¹⁶ Pakasabi ni David kaini, nagsabi si Saul, “David, aki ko, ika mananggad iyan?” Dangan naghibi an hade.

1 Samuel 24:16 ပူးပေါင်းရင်းမြစ်များ

Genesis 16:5

Huli kaini, sinabihan ni Sarai si Abram, “Sala mo kun tano ta pinag-oolog-olog ako ni Hagar. Itinao ko siya saimo, alagad poon kan maaraman niyang bados siya, pinag-olog-olog na niya ako. Hukoman logod nin Kagurangnan kun siisay sato an tama, ika o ako!”

Genesis 2:2

Kan matapos nin Dios an gabos niyang gibo, nagpahingalo siya sa ikapitong aldaw.

Genesis 33:4

Alagad nagdalagan si Esau sa pagsabat saiya, kinugos siya dangan hinadokan; pareho sindang naghibi.

1 Mga Cronica 12:18

Dangan an Espiritu nin Dios uminabot ki Amasai, na nagin pamayo kan “An Treynta,” asin nagsabi ini, “Saimo kami, O David; asin kaiba mo kami, O aki ni Jesse! an Katoninongan mapasaimo, asin sa mga nagtatabang saimo! Huli ta tinabangan ka kan saimong Dios.” Inako sinda ni David asin ginibong mga opisyal kan saiyang hukbo.

An Libro ni Job 6:25

Makosog na gayo an mga tataramon na totoo! Alagad mayong halaga an sinasabi nindo.

Salmo 119:154

Suroga ako asin tubosa; tawe ako nin buhay sosog sa saimong panuga.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Talinhaga 25:11

Tampok na bulawan sa alahas na plata an kabaing kan tataramon na isinabi sa tamang panahon.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Mga Gibo 6:10

alagad dai ninda siya nadadaog huli ta tinawan siya kan Espiritu Santo nin kadonongan sa pagtaram.

Hukom 11:27

Dai ako nagkasala saimo; ika an minagibo nin maraot sako huli ta kinakalaban mo ako. An Kagurangnan an Hukom; siya an maghukom sa mga Israelita asin sa mga Ammonita.”

1 Samuel 26:17

Namidbidan ni Saul an tingog ni David asin naghapot siya, “David, aki ko, ika iyan?” “Iyo, Mahal na Hade,” an simbag ni David.

1 Samuel 26:24

Siring na pinahalagahan ko an saimong buhay ngunyan na aldaw, pahalagahan man logod nin Kagurangnan an sakong buhay; irayo niya logod ako sa gabos na karatan!”