1 Samuel 24:15 - Marahay na Bareta Biblia

¹⁵ An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 24:15 ပူးပေါင်းရင်းမြစ်များ

2 Mga Cronica 24:22

Nalingawan kan hade an karahayan na ipinahiling saiya ni Jehoiada na ama ni Zacarias, asin ipinagadan niya ini. Kan naghihingagdan na si Zacarias, nagkurahaw siya, “Mahiling logod nin Kagurangnan an saimong ginigibo asin padusahan ka!”

Salmo 119:154

Suroga ako asin tubosa; tawe ako nin buhay sosog sa saimong panuga.

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Mikas 1:2

Dangoga nindo ini, kamo gabos na nasyon; hinanyoga nindo ini, kamo gabos na nag-eerok sa daga! Masaksi laban saindo an Kagurangnan Dios. Paghinanyog! Nagtataram siya hale sa langitnon niyang templo.

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Hukom 11:27

Dai ako nagkasala saimo; ika an minagibo nin maraot sako huli ta kinakalaban mo ako. An Kagurangnan an Hukom; siya an maghukom sa mga Israelita asin sa mga Ammonita.”

1 Samuel 17:43

Nagsabi si Goliat ki David, “Ano ako, ayam, kun kaya nagdigdi ka na may darang pamakol?” Dangan pinagmaldisyon niya si David sa ngaran kan saiyang mga dios-dios.

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 26:20

Hare pagtugotan na magadan ako sa dayuhan na daga, harayo sa atubangan nin Kagurangnan. Tano ta magdigdi an hade nin Israel sa paggadan nin sarong purgas na arog sako? Tano ta pinaglalamag niya ako na garo sarong lalaw na gamgam?”

1 Samuel 26:4

nagsugo siya nin mga espiya asin napag-araman niyang totoo mananggad na yaon duman si Saul.